Ka ktien Khasi bad Garo dei ban pynrung ha ka khyrngit  phra ka riti synshar ka Ri India: Conrad 

Shillong, Jymmang 04: U Myntri Rangbah ka jylla Meghalaya u Conrad K Sangma  haba kren ha ka jingialang  kaba 61 ban rakhe ia ka ktien Bodo ha ka jingialang bala long mynta ka sngi ha  Tamulpur ha Assam, la ong ba ka iing dorbar thawan ka jylla Meghalaya kala shim ia ka rai ban dawa na ka sorkar pdeng ban pynrung ia ka ktien khasi bad Garo sha ka Khyrngit kaba phra jong ka Riti synshar jong ka Ri India.

U Myntri Rangbah ka jylla Meghalaya  u la ong ba ka jing pynrung ia ki ktien ha ka khyrngit kaba phra jong ka Ri Synshar kan pynlong ia ka Ri India sha ka jingiatylli, kumta ka long kaba don kam ban pynrung ia ka ktien khasi bad Garo ha ka khyrngit kaba phra jong ka Riti synshar.

U Myntri Rangbah ka jylla u la ong ba ia ki ktien bapher bapher jong ki rit paid kane ka thain shatei lam mih ngi jong ka Ri India dei ban ai ka jingiada, ia kane ka jingkyrpad u la kren ha khmat  u president ka Ri India u Ram Nath Kovind u ba la wan ban long u kongsan ha kane ka jingrakhe ki Bodo ia ka ktein jong ki.

Ha ba kren ha kane ka jingialang kum u skhat khot kyrpang u la pynkynmaw ba u kpa jong u u PA Sangma bam kwai ha dwar u blei u la pynkynmaw ba u juh kren hapoh parliament  jong ka RI India bad u la ong ba ka long kaba sngewtynnad ban tip ka Bodo Land University  kan pynlong ia ka jingkren ha  kaba ia dei bad u P A Sangma.

Kane ka jingkren jong u myntri rangbah ka jylla u Conrad K Sangma ba la don kam ban pynrung ia ka ktien khasi bad Garo ha ka Khyrngit kaba phra jong ka Riti Synshar jong ka Ri India u la kren ha khmat u president jong ka Ri India u ba la wan ban ia shimbynta ha ka jingrakhe ia ka jingialang ba 61 ban kynmaw burom ia ka ktien Bodo.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet