Shillong, Naiwieng 27: U Bah Bandonbok Pyngrope Joint Secretary jong ka kur Pyngrope u la ong ba ka dorbar kur ba nyngkong kin pynlong ha ka 28th Kyllalyngkot 2020 ha shnong Mawblang.
Haba kren ha ki lad pathai khubor mynta ka sngi ha Shillong Press Club la ong ba ka daw ba la jied ban pynlong ia kane ka dorbar kur ba nyngkong hapoh ka shnong Mawblang ka dei namar ba ia ka kur Pyngrope la sdang na kane ka shnong.
Kumba ka long mynta ka kur Pyngrope kala saphriang kylleng ka Ri Khasi. La iathuh ba kila pyrshang ban lum ia kane ka dorbar kur naduh ki snem 2015 ter ter hynrei kim shym la lah namar kam dei kaba suk hynrei ki sngewtynnad ba mynta kila shim ia ka rai ban pynlong ha shnong Mawblang.
La ong ba ka por kala dei ba kum ka kur ki hap ban ialum ia lang namar katba dang mih ki sngi ka jingkylla kila dang wan kumta la don kam ban don ia ka dorbar kur la ong u bah Bandonbok.
Ha kane ka sngi la don lang ruh ki reiw rangbah ka kut u bah Harlinstar president ka kur, Bah Tenistar, bah Bakstar, bah Bajop bad bah Diskhemlang baroh ki nongialam ka kur Pyngrope.
