Ka kyrteng u bah Vincent MP ka don lang hapdeng ki 40 ngut ki kyrtong MLA ka Cong, 2023

Shillong, Nohprah 29: Mynta ka sngi u bah Vincent H Pala President ka MPCC u la pyntip ba ka elekshon kommittee kala pdiang ia ki kyrteng jong ki kyrtong ban ia khun ia ka MLA elekshon 2023 na ka party congess na ki sawphew tylli ki konstitwensi, ia kiba dang san sah 20 tylli kin sa pyndep ban pdiang ia ki khyndait sngi ban dang wan.

Haba kren ha ki lat pathai khubor ha Congress Bhavan mynta ka sngi la ong ba na ki 60 tylli ki konstitwensi, mynta ka sngi la pdiang ia ki kyrteng na ki 40 tylli ki konstitwensi, na ki 36 tylli ki konstitwensiha East Khasi Hills District la pdiang ia ki kyrteng na ki 26 tylli ki konstitwensi bad na ki 24 tylli ha Garo Hills la Pdiang na ki 14 tylli ki konstitwensi.

La iathuh ba na ki 40 tylli ki konstitwensi, phra tylli ki kontitiwensi dei ki kynthei, 10 konstitwensi kiba pan tiket dei ki MLA barim, 6 tylli ki konstitwensi dei ki MDC, bad kiwei pat dei ki konstitwensi kiba la pdiang ia ki kyrteng jong ki kyrtong kiba dang thymmai.

U bah Pala la ong ba ka party kan nym don kano kano ka jingiatehlok bad kiwei ki seng sain pyrthei namar ka party kan pynieng kyrtong na baroh 60 tylli ki konstitwensi, ia kito ki konstitwensi ba don ar lai ngut kiba pan tiket ka dang san sa shim ia ka rai ha kine ki khyndiat sngi.

Ki kyrteng jong ki 40 ngut ki kyrtong kiba ka elekshon kommittee ka MPCC kala pdiang mynta ka sngi ka kynthup lang ia ka kyrteng jong u bah Vincent H Pala MP ka Shillong Seat bad kane kan long ka sien kaba nyngkong ban ia khun ia ka MLA elekshon sha ka iing dorbar thawain ka jylla.