Shillong, Jylliew 25: Ka daw kaba kongsan ba ki mih noh na iing dorbar na ka liang jong ki MDC ka liang iatei, kumba phi la ioh ha ka jingiashong dorbar ka nyngkong ha ka por step ha kaba na ka liang jong nga kum u nongialam ka liang pyrshah bad ki dkhot ki pyni ia ka jingbym ka kot mang tyngka shuwa ba u EM ba die peit ia ka pla pisa un wanrah ia ka mang tyngka hapoh ka iing dorbar kum ba juh long.
Haba kren ha ki lat pathao khubor u nongialam liang pyrshah u bah Titosstarwell Chyne la ong ba kila lap ba ha kane ka kot mang tyngka, ha kaba la thoh biang pa baing ha ki bynta bapher bapher kiba pan ia ka jingmang pisa na ka bynta u snem 2025-2026, ha ka kran kaba nyngkong jong ka General Administration, kala paw kawei ka jingpan pisa kaba ki ong “ Ka supplementary Expenditure 2024-2025” kaba long T.1,88,32,880/- tyngka.
Ha ka kran kaba hynriew kaba dei jong ka Legislative la mih ka juh ka kyntien kaba ong “Supplementary Expenditure, 2024-2025, kaba mu tar tylli ki jingpan pisa shuh na ka iing dorbar ka paw ha kane ka kot bala thoh bniah ia ka mang tyngka, kaei kane ka kot mang tyngka, kane ka dei ka kot kaba batai bniah bin pabin ba ka jingpan ka EC hangne la kdew hangno don kam ia ka pisa bad kiei na ka bynta ka jinglut kaba kumno.
Kaba lyngngoh ka long ba kumno kane ka Supplementary Expenditure ka paw ha kane, nga la wanrah ia ka jingujor hapoh ka iing dorbar da kaba kdew na ka AD Rule 111, ka rule ka kren shai ba lada don kano kano ka jingpan pisa shuh ka dei ban wan hapoh ka iing dorbar ha dien ba ka iing dorkar kala pdiang ia ka mang tyngka kaba pura.
Kane ka mang tyngka kaba la dep ka dei ka jong u 2024-2025, ha ki EC kiba mynshuwa haba ki duna pisa ki pan shuh na ka iing dorbar da kawa wanrah ia ka Supplementary Demand kaba mut ban pan pisa shuh kaba mut kata ka pisa la dep ban pynlut na ka bynta u snem mang tyngka ba mynshuwa.
Kaei kaba kane ka EC ban peit ka long na ka bynta ka mang tyngka 2025-2026, kane ka EC kaba mynta ha u bnai Lber 2025 ka khlem wanrah ia ka mang tyngka kaba pura, ka wanrah ia ka mang tyngka kaba tang lai bnai, kaba lyngoh ka long ba ha ka mang tyngka kaba lai bnai ka khlemd on kane ka jingpan pisa shuh jong u snem 2024-2025, namar ka dei kaba la kut kaba la dep ban pynlut.
Mynta ka long ban pan pisa biang na ka bynta jong u snem 2025-2026, ha ka jingmang pisa kaba lai bnai kila dep ban kynthup ia kane ka pisa na ka bynta ki jingmang ki bapher bapher kaba dei bad ka tulop jong ki nongtrei, ka jingong u EM ba ki wan rah ha kato ka por ba ki khlem khmih bniah, hynrei ki bat ia ka shuki, EM ka pla pisa u CEM bad ki bat ia ka EC hato phi lah mo ban long ki byn don ia ka jingkit khlieh.
Kane ka jingleh ka kren shai ba kim pat long kiba la bit ban pyniaid iak a KHADC, haba la ai jingmut ban weng noh ia kane namar ha ka mang tyngka kaba pura jong u snem ym lah ban pynrung ia ka ktien jingpan pisa shuh, kam juh don ka jingleh kaba kum kane hangno hangno, la ka dei ka Parliament, ki dorbar Assembly, bad ka rule 111 ka shah ia kata ban wan rah ia ka jingpan pisa shuh.
Ngi ai khublei ia u shongknor bala sngap ia ka jingdawa ka jong ki la pynsangeh noh ia ka iing dorbar bad kane ka long ka sien kaba nyngkong ba ha ka sngi ba wan rah ia ka mang tyngka hap ban pynsangeh shuwa ia ka jingiashong dorbar la ka long ha kano kano ka iing dorbar, kane ka jingleh ka pyni ia ka jingbym biang pyni ia ki jingduna.
Kaba lyngoh kalong ba ha dien ka ar baje ki pyneh hi triang ia kane, haba la kdew ia ka rule ki ong bay m don rule, kane ka mang tyngka kaba la wan rah mynta ka long beain bad ka long katkum ka riti synshar jong ka Ri India, haba kdew ia ka mutkotduma ka dei ka jingthungkam kam dei bad ka mang tyngka.
