Shillong, Nailur 17: Ka map jong ka jylla Meghalaya kala dang rit kynnoh u MP ka Congress u bah Vincent H Pala, ka long kaba don bok ba ka jylla Assam kala ai katto katne ki bynta hynrei ki don ki jaka kiba la ai biang sha ka Assam.
U bah Pala u la ong ba hangne ruh ki paidbah kiba don ha khappud kim hun bad ki ia kynduh ia u ba ki kwah ban ujor sha Supreme Court, lada ki paidbah ha khappud kim hun balei phi pyntian jubor ha ki kylli u MP ka Congrss.
Tang namar ban ioh ia kawei ka iing kaba heh kawei ka ing basa phi hap ban ai ia ki jaka paidbah, namar hap hapoh jong ka khyrngit kaba hynriew bad ki briew kiba im hapoh ki jaka jong ka khyrngit kaba hynriew ki don shibun ki jingmyntoi.
Kumba ka long kane ka jingiakren pynbeit pud la shu sngap ia kaei kaba ka sorkar Assam ka bthah, namar tang ba ki don ka jingiajan ba ki don ha ka sorkar hynrei na kane ka jingiapynbeit pud ka jinguh kaba khraw dei iaka jylla Meghalaya.
U bah Pala la ong ba u dang pynkhreh ban iarap ia kito ki ban leit ban ujor ia kane ka jingia pynbeit pud sha Supreme Court haba iadei bad ka Casino lada ka Cognress ka wan ha bor kan nym shah ban wan ka Casino ha Meghalaya kin wan rah ia ki polisi ban myntoi ki paidbah.
