Shillong, Lber 13: Ka Mawklot FPC Ltd bad ka The Fashion Academy Shillong hynne ka sngi ka la pynlong ia Fields of Go
ld Certification Distribution ha U Soso Tham Auditorium, State Central Library Shillong.
Ia kane ka jingïalang la ai burom ia ki 198 ngut ki samla ba la pyndep ia ka jingshah hikai jong ki ha ka Skills Meghalaya Initiative, kaba la kyrshan da ka Meghalaya State Skills Development Society (MSSDS) Kine ki samla ki la ïoh jinghikai ha ki lai tylli ki Block, kata ha Mawkynrew C&RD Block, Mylliem C&RD Block, bad Mawlai C&RD Block.
Haba ioh iakren ia ka nongseng ka Fashion Academy Shillong ka kong Deiphimo Kharsyiemïong ka la ong ba ka Fashion Academy ka don ki jingthmu kata ka sustainable and innovation. Haba iadei ka sustainable ka Fashion Academy ka don ka jingiateh bad ka society ba na Wahkhen, ka pynmih ruh ki jaiñ ba shna na ki natural fibers.
Ka la pynpaw ba ki khynnah ki ba la wan shakhmat ban shah hikai ki la palat ia ka 100 ngut, kumba 50 tam ngut ki khynnah ki la lah ban seng ki kam lajong na kane.
Ka la pynshai shuh shuh ba ha ka Fashion Academy don ka 3bnai course ba la kyrshan da ka Skills Meghalaya. Ka don ruh ka course ba shisnem kaba kiba kwah ban wan ki hap ban siew.
Ka kong Deiphimo ka la pynpaw ba ka kwah bha ia ki khynnah ba la pas na ka Fashion Academy ban kin seng ki kam barit ban pynneh ia ka jingpynmih ia ki mar haba iadei ki kam thaiñ jingthaiñ, namar kane kan lah ban iarap bha ban aikam aijam ia ki briew bad kan kyntiew ruh ia ka jylla.
