Shillong, Nailar 01: U Bah Sanbor Shullai MLA jong ka 19-Shillong South u la pynshai paidbah ba ka skhim MLA baroh kam dei tang T.250 lak tyngka hynrei ka dei T.258 lak tyngka kaba dei ka pisa jong u paidbah ba ki MLA baroh ki ioh.
Haba kren ha ki lat pathai khubr mynta ka sngi la ong ba baroh ki MLA ki ioh ia ka skhim SRWP ha nyngkong dong bad ha ki jaka sor ki ioh ia ka SUWP kaba baroh ki MLA ki ioh T.250 lak tyngka.
La pynshai shuh shuh ba nalor katei ka skhim na ka tnad ialhekai ki ioh T. 3 lak tyngka, na ka tnad pynneh pynsah riti dustur ki ioh kawei ka bynta T2.5 Lak bad kawei ka bynta T.2.5 lak tyngka badoh ka long T.5 lak tyngka.
Haba khien lang ia ka T.250 lak tyngka, ka T.3 lak tyngka bad ka T. 5 lak tyngka ka MLA baroh ka long T.258 lak tyngka kane baroh ki MLA ki ioh ba ia ka jingai bor ban pyntrei ka poi sha ki MLA.
Lah ban pynkynmaw ruh na u bah Sanbor Shullai MLA ka 19-South Shillong u la pyntip ha kine ki khyndait taiew kiba la dep ba ki MLA baroh ki ioh ia ka grant ha Assembly kaba la kot sha ka T.10 lak tyngka ia kaba ki MLA kin iarap ia kiba duk ha ka por ba ki don kam kyrkieh.
