New Delhi Jylliew 30: Ki don ki kaiphod lyngba ki lad pathai khubor kiba pynpaw ka jingsngewkhia ha kaba iadei bad ka jingbym lah ban ioh khunhadien ka jingai tika COVID-19 hapdeng ki briew kiba lah biang ka rta ban ioh khun bad la ka jingai tika COVID-19 kalong kaba shngain ia ki longkmie ba dang ai buinkhun.
Ka Tnat ka koit ka khiah jong ka Sorkar Pdeng (MoHFW) kala pynshai ha ki FAQ ba la buh ha ka website (https://www.mohfw.gov.in/pdf/FAQsforHCWs&FLWs.pdf) ba ki dawai kim don jingktah eiei ia ka jinglah ioh khun la ka long ha ki shynrang ne ki kynthei, namar baroh ki dawai bad ki bynta jong ki la test shuwa ha ki mrad bad hadien ha ki briew ban tip la ki don ne em kum kine ki jingktah.
La ai bor ban pyndonkam ia ki dawai tang hadien ba la pynthikna ia ka jingshngain bad ka jingtreikam jong ki. Shuh shuh, khnang ban iada na kane ka jingngeit ba iadei bad ka jingbym lah ioh khunnamarka tika COVID-19.
Ka sorkar India ka la pynshai ba katkum ka jingstad science kam don kanokano ka jinglap kaba ong ba ka tika COVID-19 ka lah ban ktah ia ka jinglah ioh khun ha ki shynrang bad kynthei. La lap ba ki dawai kilong kiba shngain bad kiba treikam.
