Shillong Risaw 29: Namar ba ka Supreme Court Bench halor u Aadhaar, ka la ai ia ka RAI myn ha ka 26/09/2018 ba ym donkam ban don Aadhaar na bynta ka bank account, mobile, internet, website, ban rung skul, CBSE, NEET, UGC, pension ba la pynlang da kaba kamai umsyep, bad ba kito kiba la pynrung Aadhaar namar kitei haneng.
Ka MPCA, ka la shim ia ka Rai ban dang bteng ia ka jingialeh ban weng noh na ka jingdon Aadhaar ia kaba la sdang ha ka snem ba ladep bad ban iarap ia kito kiba kwah ban weng noh ialade na ka jingdon Aadhaar. Kumta, kito kiba la don Aadhaar namar kitei ki daw bad kiba kwah ban weng noh, kin sngewbha wan sha Ophis ka KSU, Central Body, Jaiaw, Shillong naduh ka 29/10 haduh ka 13/11/2018 ban ioh jingiarap halor kane ka kam.
Ha kaba iadei bad ka jingdonkam Aadhaar na bynta ki skhim bad jingiarap ba ioh na ka Sorkar, ka MPCA ka dang pyrkhat ia kiwei pat ki lad ki lynti kumno ban pyllait na kaba donkam Aadhaar hynrei ia mynta, ka Rai jong ka Supreme Court halor ka Section 7 jong ka Aadhaar Act kan neh.
Ha kane ka sngi kaba sdang eh, mynta 29/10, palat 100 ngut kiba kwah weng noh na ka jingdon Aadhaar, ki la wan wad jingiarap na Ophis KSU, Jaiaw, Shillong.
