Shillong, Risaw 19: Ka Party Congress kala dep ban ai ia ki phom na ka bynta kito kiba khwah ban ia khun ia ka MLA elekshon 2023 na ka party Congress, bad ka tarik ba khatduh ban pynpoi ia ki aplikoshon sha ka MPCC kan long ka 10th Naiwieng 2022 bnai ban wan.
Ka Meghalaya Pradesh Congress Committee kala pynban ia ka Election Pradesh committee ha ka 6th Risaw 2022, ia ki phome kala sdang ban dei naduh ka 10th Risaw bad kan kut haduh ka 10th Naiwieng 2022 bnai ban wan bad ka tarik ba khatduh ban pynpoi sha ki BCC ka logn 21st Risaw 2022.
Ka tarik kaba khatduh kaba ki BCC kin pynpoi ia ki aplikoshon sha ka DCC kan long ha ka 31th Risaw 2022 bad ki DCC kin pynpoi ia ki aplikoshon sha ka MPCC ha ka 10 Naiwieng 2022 bad ia ki aplikoshon bala pynpoi kin shong bishar ha ka 21 Naiwieng 2022.
U President ka MPCC u bah Vincent H pala la ong ba ynda kila shong bishar hapoh ka MPCC ia ki aplikoshon bala phah da ki District Congress Committee kin sa phah sha ka AICC ba kan ai ia ka rai ia ki kyrteng jong ki kyrtong.
La iathuh ba ia mynta ka AICC kam pat thaw ia ka election committee, hynrei na ka liang jong ka MPCC kan dang phah noh ia ka ki kyrteng jong ki kyrtong bad ha dien kata ka AICC kan sa shong ia ka Election Committee ban shim ia ka rai.
