Shillong, Rymphang 20: U President jong ka Meghalaya Tourism Youth Development Society (MTYDS) u bah Daniel Khongsit u la ong ba ia ka “Miss Meghalaya 2020” yn pynlong ha Bakur, Dawki ha ka 15 tarik jong u Rymphang u bnai ban wan.
K samla Veneane Sayo kawei na ki dkhot jong ka MTYDS haba jubab ia ki jingkylli kala ong ba ka dei ka jingshisha ba ha Meghalaya kam don kata ka jaka hikai “Thei Bhabriew” ia kaba la tip ha ka ktien nongwei “Modelling Institute” wat la ki samla kane ka jylla ki don ia ka sap jong ki.
Haba ia dei bad ka jingbuh ia ka kyndon ha kaba ia dei bad ka jingjrong 5.3 phut kane ka dei ka rule baroh kawei ka pyrthei ha kum kine ki jingiakop thei bhabriew. Haba ia dei bad ka kyndon kaba la buh ba ki nongiashim bynta kin long hapoh ka 26 snem ka daw ka long ba ki nongiashim bynta ki dei ban long tang kiba dang thymmai.
La iathuh ba ka MTYDS kala don ka jingiateh bad ka “Glamanand Supermodel India” ba kiba jop ia ka Miss Meghalaya kin mihkhmat ia ka jylla Meghalaya sha katei ka jingiakop kane ka dei ka jingmyntoi kaba kin ioh ki samla.
La ong ba kino kino kiba kwah ban ia sim bynta ki lah ban wan sha ka Audition ha ka 25 tarik mynta u bnai ha Youth Hostel Lachumier Shillong. Ha kane ka jingiakop kiba kin ioh ia ka khusnam shilak tyngka, ba wan ba ar sanphew hajar tyngka bad lai kan long laiphew hajar tyngka bad kiwei kiwei ki jingai.
Ha ka sngi iakop u Bah Prestone Tynsong symbut myntri rangbah ka jylla un long u kongsan ha ka jingiadon lang u Bah Kyrmen Shylla bad u bah Lahkmen Rymbui myntri jong ka sorkar jylla bad dei ruh MLA jong katei ka jaka.
