Shillong, Iaiong 10: U Myntri ba peit ia ka tnad kam jngohkai pyrthei u bah Paul Lyngdoh mynta ka sngi haba kren bad ki nongthoh khubor ha ophis treikam jong u ha Secretariat u la iathuh ba ka sorkar ka la lum jingïalang ban ia kren halor ka Nan Polok.
Ha kane kane ka jingïalang u Myntri Rangbah ka jylla ula mynjur ban pynphai noh ia ka Nan Polok sha ka tnad kam jngohkai namar baroh shikata ia ka Nan Polok la pyniaid da ka tnad khlaw.
U la iathuh ruh ba ka Nan Polok baroh shi katta ka ju khang ha ka por 5 baje bad wat ki nongtrei kiba kwah ban rung kim ioh shuh. Hadien ba ka sorkar ka la mynjur ban aiti noh sha ka tnat jngohkai pyrthei mynta ka Nan Polok kan plie haduh 10 baje mynmiet.
Ban pynbha shuh shuh ia ka katei ka jaka iaid kai kaba don ha pdeng sor Shillong u myntri ba dei peit ia ka tnad jngohkai pyrthei la ong ba ka sorkar kala mang pisa T.18/- klur tyngka ban pynitynnad ia ka Nan Polok.
