New Delhi, Rymphang 14: Ka National Games of India kaba 38, kaba la long ha ki jaka bapher bapher ha Uttarakhand, ka la kut noh mynta ka sngi ha ka jingialang pynhappyrda kaba iphuhiphieng. Ka la sdang naduh ka 28 tarik Kyllalyngkot haduh14 tarik Rymphang, 2025, kane ka lympungialehkai ka la sakhi ka jingpyniia ki sap ialehkai, ka jingaiti, bad ka mynsiemialehkai.
U Dr.MansukhMandaviya, Myntri Sorkar Pdeng ba dei khmih ia ka Tnad Kam ialehkai, Labour and Employment, u la ai jingkren ha ka jingialang pynhappyrda, ha kaba la rakhe ia ki jingiohi ia ka jingtbit ha ka jingialehkai bad ka mynsiem jong ka jingiakhun.
Ha kane ka jingialang la iadonlang ki kynrem ki lyndan, ba kynthup u Myntri Kam Pohiing bad Cooperation jong ka sorkarpdeng, Amit Shah; u Pushkar Singh Dhami, Myntri Rangbah jong ka jylla Uttarakhand, u Conrad Sangma, Myntri Rangbah jong ka jylla Meghalaya, ka P.T Usha, President jong ka Indian Olympic Association (IOA) lem bad kiwei kiwei ki nongialam ba pawkhmat.
U Dr.Mandaviya u la sdang ia ka jingai jingkren jong u da kaba ai jingsngewnguh ia ka jylla Uttarakhand kaba la pynlong ia ka National Games kaba 38 ha ka rukom kaba seisoh bad kaba trei shitom. “La tip ia ka Uttarakhand kum ka ‘Devbhoomi,’ hynreihadien ka jingpynlong ia ka National Games kaba 38, mynta ka la ioh ia ka nam ‘KhelBhoomi,” u la ong.
U la iaroh ruh ia ka jingialam jong u Myntri Rangbah ka jylla Uttarakhand, Pushkar Singh Dhami, namar ka jingphaikhmat jong u ha man ka bynta, pynthikna ka jingiaid beitiaidryntih kane ka lympungialehkai. “Ka jingiaid beitiaidryntih bad ka jingpyniaid ba seisoh ia kine ki jinglehkai kalong ka dak jong ka jinglah kot bor ka Uttarakhand bad ka jingaiti,” u la bynrap.
Haba kren shaphang ka jingkongsan jong ka lympungialehkai, u Dr.Mandaviya u la iasam ka jingangnud jong u na ka bynta ka lawei jong ka India ha ka kam ialehkai. “Katba mynta ka sngi ngi la poi sha ka bynta kaba kut jong ka National Games kaba 38, kalong ka dak jong ka jingsdang ka jingiaid lynti kaba shongshit.
Ka India kadei ban long ka jaka pdeng jong ki kam ialehkai kylleng ka pyrthei, bad mynta ngi la buh ia ka nongrim na ka bynta kata,” u la ong. U la kdew sha ka thong ban pynlong ia ka Olympic Games 2036 ha India, ka pyni ia ka dak jong ka jingkut jingmut ka ri na ka bynta ka kam ialehkai. “Ngi don ka jingthmu ban buh ia ka India napdeng ki ri kiba hakhmat ha ki kam ialehkai, bad ka jingiaid lynti sha kata ka thong ka la sdang mynta ka sngi,” u la bynrap.
U Myntri Sorkar Pdeng u la ai khubleiia ki kynhun kiba jop bad baroh ki nongialehkai, bad u la ban jur ba ha ka kam ialehkai, ym don uba shah rem – phi jop lane phi ioh jinghikai. “Nga ai khublei ia baroh kiba jop bad ki lahduh na ka bynta ki jingjop jong ki,” u la ong.
U la ai mynsiem shuh shuh ia ki nongialehkai, khamtam ki samla, lyngba ki kyntienjingpynshlur na ka bynta ki jingpyrshang jong ki ha ki por ban wan ha ki jingiakhun ha kilympungialehkai shabar ri kum ka Asian Games, Commonwealth Games, bad ka Olympics.
“Haba phi iakhun ha ki lympungialehkai shabar ri, kynmaw ban shaniah ha la ka jong ka bor. Haba u nongsiatkhnam u buh ka thong, kynmaw ba ngi dei na ka ri jong u Arjuna,” u la bynrap.
U Dr.Mandaviya u la ban jur ruh ia ka jingiatylli ba ka kam ialehkai ka wanrah, da kaba ong haba uwei u nongialehkai u jop, ka ri baroh kawei ka lehkmen. “Ha ka kam ialehkai, ka jingjop jong uwei u nongialehkai kadei ka jingjop jong ka ri baroh kawei,” u la ong.
U Dr.Mandaviya u la ong ba hapoh ka jingialam ba iohijngai jong u Myntri Rangbah duh Narendra Modi, ka India ka wanrah ia ka jinglong jingman kaba khlain ha ka jingkyntiew ia ki kam ialehkai. “Ha ka ‘Naya Bharat’, ka kam ialehkai ka la rah shakhmatia ka sienjam ba kongsan, bad ki jingdon jingem ka ri ha kaba iadei bad ki kam ialehkai bad ka jingkyrshan ia ki nongialehkai ka la nang kiew,” u la ong.
U Myntri sorkarpdeng u la pynkut da kaba ai khublei ia ka jylla Uttarakhand namar ka jingjop ha ka jingpynlong ia ka National Games kaba 38 bad ai khublei ia baroh ki nongialehkai, ki ophisar bad ki paidbah namar ka jingiashim bynta jong ki.
U Myntri Kam Pohiing bad Cooperation jong ka sorkarpdeng, Amit Shah u la ai jingkren ha ka jingialang, ha kaba u la ban jur kumno ki sienjam kum ka Khelo India bad ka Fit India, ba la sdang hapoh ka jingialam jong u Myntri Rangbah duh Narendra Modi ka la ai mynsiem ia ki briew ban sdang ia ki kam ialehkai. U la kynmawia ka thong jong u Myntri Rangbah duh kaba la pynshlur ia ki samla ban iashim bynta ha ki kam ialehkai, bad bun mynta ki khot ia u Myntri Rangbah duh kum u “KhelMitra.”
U Amit Shah u la kren shaphang ka jingkiew ka jingmang tyngka ha ka kam ialehkai ha kine ki shiphew snem ba la leit, ka pyni ia ka jingkiew ka jingmut jingmut ka sorkar ban kyntiew ia ka kam ialehkai. U la ong ruh ba ka jingkiew ha ka jingioh takma ka India ha ki lympungialehkai shabar ri, kum ka Olympics bad Paralympics, ha ki 10 snem ba la leit, kadei ka dak jong ka jingkylla ka kam ialehkai jong ka ri.
Ka jingialang pynhappyrda ia ka lympungialehkai National Games kaba 38 ka la kut ha kaba ka Haryana ka la wan ba ar, da kaba ioh 48 tylli ki takmaksiar, 47 tylli ki takmarupa bad 58 tylli ki takmarnong. Ka Maharashtra ka la wan ba nyngkong, ha kaba ka la ioh 54 tylli ki takmaksiar, 71 tylli ki takmarupa bad 76 tylli ki takmarnong.
Ka lahduhkadei ka Services Sports Control Board, kaba la leh bha da kaba ioh 68 tylli ki takmaksiar, 26 tylli ki takmarupa bad 27 tylli ki takmarnong. Ka lympungialehkai ka la kut ha ka jingjop, bad katba ka jingphaikhmat ka kylla sha ki por ban wan, la aiti ia ka Meghalaya ban pynlong ia ka National Games kaba 39 ha u 2026, kaba la wanrah ia ka juk kaba thymmai jong kane ka jingiakhun kaba don burom.
