Ka NEHU ka dei ban mang bhah kyrpang ban wad bniah halor u Tirot Sing bad Kiangnagbah

Shillong, Rymphang 12: Mynta ka sngi u Lat jong ka jylla Meghalaya u Satya Pal Malik ba dei ruh u Rector jong ka skul bah NEHU u la leit ban jngoh ia kane skul bah, ha kaba u la plie paidbah ruh ia ka dur jong ki ar ngut ki nongialeh lailtuid ka jylla Meghalaya u Tirot Sing bad u Kiangnangbah ha katei ka skul bah.

Na ka daw jong kane ka COVID-19 ia ka jingialang la pynlong ha kata ka rukom ban bud ryntih ia ki kyndon jong ka sorkar ia kane ka jingialang la pyniaid da u Vice-Chancellor, Prof. S.K. Srivastava, Pro Vice-Chancellor, Shillong bad  Tura Campus, Prof. H. Lamin bad  Prof. G. Singaiah, nalor kine la don ruh u Registrar, Dr. J.N. Nayak, ba dei peit ia ka tnad pla pisa bad kiwei ki heh ka skul bah.

U lat jong ka jylla u la pynpaw ia ka jingsngew kmen ka jong u ban ioh ban leit jngoh ia kane ka skul bah kaba paw bad u la pynpaw ia ka jingsngewnguh kaba kyrpang ba ka NEHU kala ithuh ia ki ar ngut ki riew ialeh laitluid kiba la aiti ia ka jingim u Tirot Sing bad Kiangnagbah bad la ong ba ia ka dur jong ki la buh ruh ha Raj Bhavan.

U lat ka jylla u la ong ba u la shah biej haba u ioh sngew shaphang kine ki riew ialeh laitluid namar ha ka rta kaba dang khynnah kila rah ban kynjoh sha kane ka kyrdan ban len lade namar ka Ri bad kane kan long ka jingai mynsiem ia ki pateng ban dang wan.

Ha kane ka sngi u Lat jong ka jylla u la kyntu ia ki bor ba dei peit ia ka NEHU ba kan buh ia ka bhah ka kyrpang ban wad bniah ha kaba ia dei bad kine ki riew khraw jong kane ka jylla khnang ba ka Ri India baroh kawei ruh kan tip ia kine ki nongialeh laitluid.

Haba kren halor ka pule puthi u Lat ka jylla u la ong ba ka jingnang jingstad ka dei ka jingaibor bad u ong ba ka jingnang jingstad kaba u ioh ka long ka jingjop kaba khraw ka jong u bad ki san snem kiba u don ha Kolej ki dei snem kiba u kmen tam.

Haba pynkynmaw ha kaba por ba u dei peit ia ka kam pyniaid dorbar, u la pynpaw ia ka jingsngewdiaw ka jong u namar kam juh don kata ka jingiatai halor ka pule puthi, ka pule puthi ka sah dien haba kiba don ba em kim noh syniang lang namar tang ka sorkar marwei kan nym lah ban leh ei ei.

Ia ka jingialang la pyniaid da u Registrar bad na ka liang jong u Vice Chancellor bad ha kane ka sngi la pynbna ba ia ki ar tylli ki iing basa jong ka skul la ai namha ka kyrteng jong kine ki nongialeh lait luid jong ka ri kiba dei na kane ka jylla Meghalaya.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet