Shillong, Risaw 10; Ka Khasi Student Union Nartiang Circle myn ha ka sngi Saitjain kaba la dep kala ïoh ban pynkh
a ïaka tnad treikam ba thymmai ka jong ka haka Shnong Lapangap West Jaiñtia Hills, bad ïa kane ka Unit ba thymmai la tip kum ka KSU Lapangap Unit ia kaba la pynshkem da u Vice-President ka KSU Seng kmie u samla Biangbor Paliar katba ïaka jingïalang la pynïaid da u samla Chanbor War General Secretary ka KSU Nartiang Circle.
Ha kane ka sngi la ïoh iaki kyntien Kyrkhu kyrdoh ia ki Dkhot ba thymmai ka KSU Lapangap Unit da U Waheh Shnong ka Shnong Lapangap, bad ruh na u Ma Elias Susngi, Waheh Raid Namdong ha ryngkat ka jingiadon lang u Samla Hababjop Raliang Finance Secy KSU Nartiang Circle bad kiwei kiwei ki nongialam jong ka seng KSU.
U Samla Shiningstar Kharbihkhiew haba ai jingkren haka jingialang u la kyntu iaki dkhot baroh ban iatreilang ha ryngkat ki nongialam. ” Ban long ki nongialam kaba triem, Nyngkong ngi hap ban long shwa ialade ki Nongbud kiba triem”. U la ong ruh ba ka KSU ka ieng halor ka nongrim ban pynneh pynsah iaka Khyndew ka Shyiap, ban pynneh pynsah Pud U Sam bad ka khyndew ka shyiap, ban pynneh pynsah iaka rukom im rukom beit kum ka jaidbynriew.
Haba kular ban ia treilang bad katei ka Tnad treikam thymmai, u Samla Shiningstar ula ong ba lyngba kane ka tnad treikam ba thymmai hakane ka shnong, naka liang ka KSU kam kular ban pynioh iaka roi ka par ne iakano kano pat hynrei ka KSU ka kular ban pynioh iaka Development jong ka “Jingsngain” iaka thain baroh kawei haba ka kam ka dawa.
Katba u Samla Biangbor Paliar pat u la ong ba ka mat Khappud kadei ka mat kaba hakhmat duh jong ka KSU, ” Na ka por sha ka por ngi la shait leit pynsngew iaka jingdonkam ban ia pynbeit ia u pud u sam ymtang haka Chief Secretart Level hynrei wat haduh ka Chief Minister Level ruh” u la ong.
Haba pynpaw iaka jingkmen ba la ioh ban pynkha iakatei ka tnad treikam ba thymmai, naka liang u samla Biangbor Paliar ula ong ” Ngi sngewkmen shibun eh ba la ioh ban thaw iaka tnad treikam hakane ka shnong namar ka la long kum shibynta ka tnad treikam kaba peit ba khmihbniah iaka jinglong jingman ha khappud”.
Ki dkhot bad nongialam ba thymmai jong ka Lapangap Unit ki long President Agostan Timung, Vice President Monbha Pyrpet, General Secretary Saikia Sumer,
Asist Geneeal Secretary Pyrkhat Dkhar, Education Secretary Riehbok Lyngdoh, Organizing Secretary Ishmel Dkhar, Sports Secretary Hapmon Lamin, Finance Secretary Leadingstar Timung, Asst Finance Secy Didimus Dkhar, Publicity Secy Kodwis Dkhar bad 13 ngut ki dkhot. Kane ka long katkum ka kyrwoh ba la pyllait da u Ma Nangai Sutnga Publicity Secy ka KSU Jaintia Hills District Unit.
