Shillong, Nohprah 20: u Bah Lambor Malangniang nongalam jong ka United Progressive Front (UPF) u la ong ba ka party Congress kala tyrwa ban thaw da kawei ka sorkar hynrei na ka liang jong ka UPF kal
a ong em ia kane ka jingturwa, balei ban pynhap ia ka sorkar ha kaba ka sorkar katrei na ka bynta jong u paidbah.
Haba kren ha ki lad pathai khubor u Bah Lambor u la ong balei yn pynhap ia ka sorkar haba ka sorkar ka trei na ka bynta ki paidbah, kane ka jingleh jong ka party congress ban wanrah ia ka mat bym don jingshahniah shuh ka long kaba bakla shibun ha kum kane ka por ba ka jylla ka don ha ka saw ka sian.
U la ong lada ka sorkar ka khyllem mynin mano ban shim ia ka rai ban pdiang ia ka rai ban pyntrei kam ia ka ILP ha kane ka jylla, hato kwah ban iohi ba ka jylla kan poi sha ka jinghuri hura, dei na kane ka daw ba kila kyntait ia ka jingturwa ka seng Congress.
Ki jingkynthoh ki lah ban wan na baroh ki liang hynrei kila leh ia ka kamram jong ki ban pynthikna ba ka jylla ka dei ban ioh ia ka jingiada 100%. Kila shim ia ka rai ban khot ia ka iing dorbar kaba kyrpang ban shim ia ka rai ban pyntrei kam ia ka Inner Line Permit ha ka jylla.
Na ka liang jong ka sorkar MDA ka kwah ban ai ia ka jingiada ia ki briew jong ka jylla. Haba peit ia ka jingkren ka Agatha Sangma, lada peit ia ka jingkren jong ka baroh, kala kren ban pynlait ia ka jylla Meghalaya bad kum juh ia ka North East baroh kwei na ka CAA, 2019.
Ka NPP kam shym la shet kylla ia ki seng sain pyrthei kiba don ha ka sorkar MDA, phin kynmaw ha u snem 2016 ka sor Shillong kala khihwin hynrei mynta ka sorkar ka don ka juh ka jingdawa bad ki seng bhalang. Hynrei mynshuwa ka sorkar ka ong em ia ka jingdawa jong ki paidbah.
Haba ia dei bad ka ILP na ka liang jong ka sorkar kala leh ia ka kamram jong ka bad mynta kin dang ia kynduh ia ka sorkar pdeng ban ban ia kren ha dien ka Khrsitmas. Ka sorkar kala wanrah ia ka rai hapoh iing dorbar ban pyntrei kam ia ka ILP mynta kin ia kren bad ka sorkar pdeng.
na ka liang jong u myntri kam poh iing ka sorkar pdeng u Amit Shah u la ong ia ki ha ka jingiakynduh ha Delhi, u la kylli kaei ka lad ban iada ia ki briew na ka jingwan tuid jong ki briew ba na bar u la ai ka jingkular ba kin sa ia kren biang ha dien ka Khrsitmas, la iathuh u bah Lambor Malangniang.
