Shillong, Kyllalyngkot 12: Mynta ka sngi ka National People party kala pynbna ia ki kyrteng jong ki kyrtong ban ia khun ia ka MLA elekshon sha ka iing dorbar thawain ka jylla kaban long u Rymphang 2023.
U President ka party u Conrad K Sangma mynta ka sngi u la pynbna ia ki kyrteng jong ki 58 ngut ki kyrtong lait noh na 19-Shillong South bad Mairang, na ki 58 ngut ki kyrtong ki don 10 ngut ki kyrtong kiba la ai tiket da ka party kiba wan na kiwei ki party.
Ha kane ka sngi u President ka party u Conrad u la pynlait paidbah ruh ai ki kam kiba ka party kala pyndep ha kine ki san snem kiba ka don ha ka bor ban synshar kaba kila Ieh ban pyndep ia kaei kaba kila kular ha u snem 2018.
Ki thymmei khubor kiba ia jan bad ka NPP ki pynsngew ba ka party kan nym pynieng kyrtong na 19-Shillong South ba mih khmat da u bah Sanbor Shullai bad na Mairang ba mih khmat da u bah Metbah Lyngdoh ba dei Lamphang ka iing dorbar.
Ha kane ka jingialang kaba la long mynta ka sngi kaba la long ha Plo baroh ki kyrtong jong ka party ki la don lang ha kaba da ki hajar ngut ki nongkyrshan ka party kila ia wan na kylleng ban ia don lang ha kane ka sngi.
