Shillong, Risaw 14: U bah Jambor War Executive Member jong ka KHADC ba dei peit ia ki kam Elaka la iathuh ba ka ophis kala dep ban phah ia ka jingpynshai halor ka jaka kaba ka seng HNYF Shillong Region kala wan ban ujor ha kaba ia dei bad ka jaka ba ba dei ha Mawlai Umshing.
Haba kren ha ki lat pathai khubor na ka liang jong u EM ba dei peit ia ki kam elaka la ong ba ha dien ba ka seng HNYF kala wan ban ujor kala pan ia ka jingpynshai na ka Hima Mylliem bad na ka liang jong ka hima ruh kala pynshai halor katei ka jaka.
Haba ia dei bad katei ka jaka ka ophis kala dep ban phah ia ka jingpynshai kaba la ioh na ka Hima Mylliem sha ka seng HNYF kiba dei ki nongujor ia kaba katei ka seng haduh mynta kam pat wan ban ai kano kano ka jubab ha kaba ia dei bad katei ka jaka.
Na ka liang jong ka ophis ka dang ap ia ka jubab lada ki ai biang ia ka jubab ka ophis kan sa buh sngi ban khot ia ki arliang mamla ban ioh ia ka jingpynshai hynrei naduh ba kila phah ia ka jingpynshai ba la ioh na ka Hima Mylliem kim shym phah kano kano ka jingthoh haduh mynta.
