Ka ophis u Myntri Rangbah Duh ka ri ka kyntu ban ia noh syniang sha ka PMCARFS Fund

New Delhi, Lber 28: Ka jingpang COVID-19 ka la ktah ia ka pyrthei satlak bad ka la buh ia ki jingeh kiba khraw ha kaba iadei bad ka jingshngain bad ka koit ka khiah jong ki briew ka pyrthei.

Ha India ruh ka jingpur jong kane ka jingpang ka long kaba pynkhuslai bad ka la ktah ia ka ioh ka kot bad ka koit ka khiah jong ki briew ka ri.Ka ophis jong u Myntri Rangbah duh jong ka ri ka la sdang ioh ia ki jingkyrpad ban ioh ia ki jingnoh synniang ki ban kyrshan ia ka Sorkar ha kane ka por jong ka jingeh ba khraw.

Ki por kum kine, wat la ki dei namar ka bor mariang ne kiwei kiwei ki daw, ki donkam ia ki sienjam kiba kloi ban ai jingiarap ia kito kiba la shah ktah, ban pynduna ia ka jingjulor ia ki jingdon jingem bad ka jing lah bor. Kumta, ia ka jinpynkhreh ban leh mardor ia ki kam kaba donkam dei ban leh ryngkat bad ki kam ban pynthymmai bad pynkhlain ia ka jinglah jong ka ri ban leh ia kine ki kam. Ka jingpyndonkam ia ka teknoloji bad ka jingwad bniah ka long ruh kawei ka bynta bym lah lait ha kum kine ki kam.

Katba ka don ka jingdonkam ban don ka national fund ba kyrpang ban leh ia ki kam ba donkam kum ha kine ki por jingeh kum ba mih hapdeng ka jingpang COVID-19 bad ban iarap ia kito kiba don ha ka jingeh, la sdang ia ka public charitable trust kaba tip kum ka ‘Prime Minister’s Citizen Assistance and Relief in Emergency Situations Fund’ (PM CARES Fund)’.U Myntri Rangbah duh jong ka ri u dei u nongialam jong kane ka trust bad ki dkhot jong ka ki kynthup ia ki Myntri Defence, Kam Poh Iing bad Pla Tyngka jong ka Sorkar Pdeng.

U Myntri Rangbah duh jong ka ri u Narendra Modi u ngeit bad u la pyni lyngba ki kam jong u ba ka jingiashim bynta jong ki briew baroh ka dei ka rukom kaba biang tam ban ialeh pyrshah kano kano ka jingeh bad kane ka dei sa kawei ka nuksa jong kane ka jingngeit. Kane ka fund ka plie lad ban ai ki jingnoh synniang kiba rit khnang ba ki briew kin lah ban noh synniang da kaba ai katnokatno ruh ka pisa.

Ki nong shong shnong jong ka ri bad ki kynhun bapher bapher ki lah ban leit sha ka website pmindia.gov.in ban noh synniang sha ka PM CARES Fund da kaba pyndonkam ia kine harum:

Ka kyrteng ong ka Account     : PM CARES        

Account Number            : 2121PM20202                                                                                

 IFSC Code                     : SBIN0000691                                                                        

SWIFT Code                   : SBININBB104                                                                         

Ka kyrteng jong ka Bank &Branch : State Bank of India, New Delhi Main Branch                                        

UPI ID                      : pmcares@sbi

Lah ban siew ha kine ki rukom ha ka website pmindia.gov.in –

  1. Debit Card bad Credit Card
  2. Internet Banking
  3. UPI (BHIM, PhonePe, Amazon Pay, Google Pay, PayTM, Mobikwik, etc.)
  4. RTGS/NEFT

Ki jingnoh synniang sha kane ka fund kin lait na ka Income Tax kat kum ka Section 80(G).

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet