Shillong, Nailar 23: U bah Renikton L Tongkhar general secretary jong ka party HSPDP ba dei ruh u myntri ha kane ka sorkar MDA u la ong ba haduh mynta ka party kam pat ioh ia kata ka shithi kaba la kren da u nongialam ka liang pyrshah u Dr. Mukul Sangma, hynrei kum ka party ka don ka jingkit khlieh ia ki paidbah.
Kum ka party ka don ka jingsngewsih haba ka mih kano kano ka jingeh bad kum ka party ka kwah ban don ia ka jingshong suk, hynrei ia kata ka shithi kim nym lah ban kren ei ei namar ba kim pat ioh da la ioh kin sa ia kren hapoh ka party.
Kane ka sorkar ka don ia ka jingkit khlieh na ka bynta ka jingshong suk shongsain dei na kane ka daw ba ka sorkar kala thung ia ka Judicial Inquiry bad kum ka party ka shem ba ka kham shim khia kane ka sorkar kaba mynta ban ia ki sorkar kiba mynshuwa.
Ka jingthung jong ka sorkar ia ka Judicial Inquiry ka long ba ka don ka jingkit khlieh ban wanrah ia ka jingsuk bad kane ka jingtohkit kan long kaba lait luid kum ka party ka ai ka jingiaroh ia ka sorkar halor kane ka jingtohkit.
Kum ka party ka pynpaw ia ka jingsngewnguh ia ka iing ka sem jong u bah Cheris kiba la kyrpad ia ki paidbah nongshong shnong ba kin ap ia ka kaiphot na kane ka jingtohkit kaba dei na ka Judicial Inquiry.
