Shillong, Naiwieng 30: Mynta ka sngi u President seng samla jong ka party HSPDP u bah Sandonbor Ryntathiantg u la iathuh ba kin pynlong ia ka jingiamir jingmut halor ka phang Khasi Jaintia State ka ban long ha ka 5th Nohprah 2022.
Haba kren ha ki lat pathai khubor ha dien ka jingialang la iathuh ba ki kongsan ki ban wan ai jingkren ha katei ka seng kum ki riew shemphang ki long u Dr. L S Gassah Prof bala shong thiat na ka kam shikai na ka skul bah NEHU, bad u Muktiar u bah Robert June Kharjahrin.
La aithuh ba ka party kala dep ban pynshna ia ka iing ha Mawblei bad kaba sah mynta ka long ban plie noh bad ban aiti noh sha kato ka long iing bad kane ka jingaiti kan long ha ka 20 Nohprah 2022 kane kan long kum ka jingai sngewbha Khristmas.
Ha kane ka sngi kila ia kren ruh ia ka jingpynrung dkhot ia ki paidbah sha ka seng HSPDP bad ki samla kiba la rung sha ka party mynta kala long 5200 tam ei ei bad kaba kyham sngewtynnad ka long ba ki samla kum na Laitumkhrah bad Polo ruh kila phai sha ka party.
Kine ki samla kiba la rung sha ka HSPDP kim dei tang ki samla hynrei ki dei kiba don ha ki kyrdan kibapher bapher kiba don mynta ha ka party, ka seng kala pynlong ruh ia ka jingia kop thoh ese ha kaba ia dei bad ka Khasi Jaintia State ha kaba bun ki samla kila ia shim bynta bad kaba sah mynta ka long sa tang ban pynbna ia ki nongjop.
