Shillong, Nailur 11: U president rangbah ka party National people’s Party (NPP) u Conrad K Sangma mynta ka sngi u la ong ba ka party kan ia khun marwei ha ka ilekshon sha ka iing dorba rthawain hapoh ka jylla Manipur khlem da ia tehlok bad kiwei ki party.
Haba kren ha ki Lat pathai khubor u la ong ba ka jingiakhun kan long ha kiba bun ki konstitwensi, u president ka party NPP u khlem kren shai pat la ka party kan pynieng kyrteng ne em ha baroh ki konstitwensi.
U Cornad mynta ka sngi ha ka jingleit jong u sha Manipur u la ia kynduh ia ki nongialam jong ka party ban ia kren ha kaba ia dei bad ki kam jong ka party ha ka jylla Manipur ban pynkhreh ia ka ilekshon hapoh katei ka jylla.
