Shillong, Nailar 27: Ka National People’s Party mynta ka sngi kala pynlong ia ka jingialang “National Committee” ka party ha nongbah Delhi ha Constitution ka India Club, ia ka jingialang la pyniaid da u president ka party u Conrad K Sangma ha kaba la wan ban ia shim bynta da baroh ki jylla kiba ka party kala don.
Ha kane ka jingialang ka phang pdeng jong ka jingialang ka long ban ia kren ia ka election ka ban long ha ki lai tylli ki iing dorbar thawain jong ki jylla, ha Nagaland, Tripura bad Meghalaya bad ia kane la kren shai da u National president ka party u Cornad K Sangma.
Haba jubab ia ki jingkylli u National President ka party u Conrad K Sangma la ong ba kin nym don ka jigniatehlok bad ka party BJP lane bad kiwei ki party ha ka elekshon sha ki iing dorbar thawain jong kitei ki jylla.
Haba ia dei bad ka jingtioh run ka party TMC ha Meghalaya, u Cornad u la ong ba kila ioh ban rung ha ka jaka jong ki liang pyrshah hynrei kala don ka jingiapaid hapdeng jong katei ka party, kila pyrshang ban pynisha ki paidbah hynrei kan nym don ka jingktah.
La iathuh ruh ba ha kane ka jingialang mynta ka sngi kila ia kren sani kumno ban dang pynkhlain shuh shuh ia ka party bad ki kam kiba ka pary kan dang leh nagne sha khmat ban pynkhlain ia ka party, ha kane ka jingialang ki state president jong ki party kila ia poilang.
