Shillong, Lber 15: Mynta ka sngi ka Voice of the People’s Party (VPP) lyngba u nongaiktien ka party u Dr Batskhem Myrboh kala pyntip ba ha ka 18 tarik Lber 2023 sngi Saitjain kin pynlong ia ka jingialang sngewnguh ia ki paitbah ka jylla ki ba la ai jingkyrshan ba radbah ia ka party ha kane ka election MLA 2023.
Ia kane ka jingialang sngewnguh yn pynlong ha Madan Polo bad ka jingialang kan sdang ha ka por 11 baje mynstep bad ha katei ka sngi kan long ka jingpynkup burom ia u nongthaw ia ka jingrwai ha Kongdeng kongnah ha Uprah.
