Ka pisa kaba la ai lyngba ka FOCUS ka dei ka Grand kamd ei ka ram pynshai u Conrad

Shillong, Nohprah 13:  U Myntri Rangbah ka jylla u Conrad K Sangma mynta ka sngi u la pynshai paidbah ba ka jingmang pisa na ka skhim “FOCUS”  ban ai jingkyrshan ia ki nongrep ka long T.400 klur kam dei T.1500 klur kumba la kynnoh.

Haba jubab ia ki jingkylli u myntri rangbah u la ong ba kito kiba kynnoh kim pat sngewthuh kumno ka sorkar ka pyniaid ia ki kam bad kumno ban pyndon kam ia ka pisa, ka jingkynnoh ka dei ka bym don nongrim haei haei ruh.

Katta ruh dei ban poi sha ki 4.5 lak ki long iing, ka sorkar ka kwah ban baroh ki dei ban ioh ia kane ka jingmyntoi bad haba leh ia kane ruh don kam shibun ki kot ki sla ban pynshisha bad kane ka dang iaid sha khmat mytna ruh.

Kane ka jingpynlut ka ban kot sha ka T.400 klur tam ruh kan long ynda baroh 4.5 lak tylli ki long iing ha ka jylla kila ioh lut baroh, kataei ka jingkynnoh ba ka dei T.1500 klur ka dei ka jingkren ka bym don nongrim la kyntait u myntri rangbah kajylla.

U myntri rangbah la ong ba ka sorkar ka don la ki jong ki nongmih, la ka dei na ki khajna jong ka jylla, ne ka jingmang pisa, ka ram kaba shim, ne ka khajna na ka sorkar pdeng lane ki skhim kiba wan na bar ri, kumta ki don shibun ki lynti ba ka pisa ka wan.

Dei halor katei ka nongrim ynda ka sorkar kala ioh ia ka jingkhein ba kumno ka pisa kan wan ka sorkar bhah ia ka mang tyngka ban shu kynnoh ba ka sorkar ka shim ram ka long kaei kaei kaba bakla shibun.

U myntri rangbah la ong ba kaei laei kaei kaba sngewsih ban ong haba iarap ia ki nongrep la kynnoh ba ka dei ka buid elekshon ka dei kaba sngewsih, ka sorkar ka iarap ia ki nongrep ha ka jingshisha la dei ban leh slem bha.

Kiba kynnoh ia ka skhim FOCUS dei kito kiba khlem pat sngewthuh ia ka jingduk ki nongrep, ki nongrep mynta ki sngew kmen bha ba ki ioh ia kane ka jingiarap bad kane ka skhim kala sdang ha u snem 2021 bad la sdang ha Tura.

Kane ka skhim FOCUS kamd ei ka ram kumba la kynnoh, kane ka dei ka jingiarap bad ia kane ka pisa la ai sha ka kynhun ym sha ki riew shimet, kane ka jingai T.5000 tyngka sha ka kynhun bad ka jingai T.5000/- tyngka ka dei ka grand kam dei ka ram la pynshai u myntri rangbah ka jylla.

U myntri rangbah ka jylla  u la iathuh ba u myntri rangbah duh jong ka Ri India u Narendra Modi un wan sha Shillong ha ka 18/12/2022, kane ka jingwan jong u ka long ban ia shim bynta ha ka jingrakhe ia ka jingdap 50 snem ka North Eastern Concil.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet