Ka POP ha Barato bad ka BOP ka don ha Mukroh pynshai u myntri rangbah ka jylla

Shillong, Nohprah 20: “Ngam shym la ioh ban ia kynduh bad ki briew na shnong Mukroh kiba la wan lang bad ki KSU, hynrei na ka por sha ka por nga budien ia kane ka jingjia da lade bad nga ia kren bad u myntri rangbah ka jylla Assam u Himanta Bisawa Sarma” la ong u myntri rangbah ka jylla u Conrad K Sangma.

U Myntri rangbah ka jylla Meghalaya la ong ba ha ka jingiakren bad u mytnri rangbah ka jylla Assam u la kren shai ba ym dei ban don   shuh ki jingpynshit ne kano kano ba kum kine ki jia kin nym jia shuh, ha kum kine ki khep da don ka jingiasngewthuh kaba shai lah ban weng ia kum kine ki jingjia.

Haba ia dei bad ka jingtei ia ka Beat Office na ka liang jong ka Assam, u myntri rangbah u la kren shai ba la da ka jingtei kan long hapoh  pud u sam jong ka jylla Meghalaya ka sorkar kan nym shah  ban jia kumta bad lada kata ka jingtei ka dei shisha ka sorkar kan sa peit.

Haba ia dei bad ki Border Out Post, u myntri rangbah la ong ba ka sorkar ka la dep ban ai ia ka jingmynjur jong ka bad mynta la dep ruh ban mang pisa, haba ia dei bad ka Barato bad Mukroh dei ban sngewthuh shai ba ka Police Out Post ka don ha Barato bad ka Border Out Post ka don ha Mukroh.

La aithuh ba ha Mukroh ki don kumba 30 ngut ki pulit ban pet ia katei ka jaka bad kine baroh ki dei kiba la phah katkum ka kam, mynshuwa haba plie ia kano kano ka outpost la shu phah ia ki pulit na kiwei ki jaka hynrei mynta la phah katkum ka jingmang ka sorkar.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet