k
New Delhi, Naiwieng 21: Ka skhim PM KISAN ka dei ka skhim jong ka Sorkar Pdeng ban pyndap ia ki jingdonkam pisa jong ki nongrep kiba don la ka jong ka jaka puta.
Haduh T. 6000 ha ka shi snem ka dei ka pisa kaba leit sha ki bank account jong ki longiingnongrep lyngba ka direct benefit transfer. Ki don katto katne ki thup kiba kham biang ka kamaikajih ki bym ioh bynta ha kane ka skhim.
Kane ka skhim ka dei kaba la sdang ha ka 24 tarik u Rymphang, 2019 da u Myntri Rangbah Duh, bad kadei kawei na ki skhim DBT ba heh tam ha ka pyrthei. Kane ka skhim ka la lah ban poi sha ki klur ngut ki nongrep, haba ym don jingtuklarmanomano hapdeng ka kam.
Lyngba ka jingpynthikna ia ka jingshai kaba pura ha ka kam pynrung kyrteng bad ka jingpynshisha ia kito kiba dei ban ioh jingmyntoi, ka Sorkar India ka la lah ban pynpoi pisa tang katto katne minithadien ba la shon u Myntri Rangbah Duh ia u dak ha ki por ba la pyllait pisa.
Ka jingpyllaitia ki jingmyntoi ha kanokano ka bynta hapoh ka PM KISAN mynta ka la tam ia 10 klur ngut ki nongrep na ka 3.16 klur ha ka bynta kaba nyngkong – kaba long ka jingkiew lai shah ha ki lai snem.
Ka PM KISAN ha ki lai snem ka la lah ban ai jingkyrshan pisa kaba palat T. 2 lak klur sha ki nongrep kiba donkam jingiarap. Na kane ka pisa, palat T. 1.6 klur ka dei kaba la pynpoi naduh ka jingpakhang dam namar ka khlamCovid.
Ka PM KISAN ka dei ka skhim ka ba dang kylla. La sdang ia ka skhim da kaba peit ka jingioh bynta ki nongrep kiba ai jingpynshisha hi da ki nongrep. La pynbha shuh shuh katba dang iaid ka por ha kaba iadei bad ka rukom ba ki nongrep ki pynrung kyrteng ialade bad ia kaba la pynshisha da ki jylla.
Ka jingjop jong kane ka skhim ka shong ha ki jingpynbha ba wanrah na ka por sha ka por na ka bynta ka jingpynshisha jong ki jingai jingtip na ki nongrep. Ki don ki bynta kiba la buh kiba hap ban ai jingtip naduh ba la sdang ia ka skhim khnang ban don ka jingpynshisha kaba nyngkong.
Shisien ba la peit ia ki jingai jingtip da ki nongrep bad la pynshisha da ki jylla, la kyntiew ia kane ka jingtip ha ka rynsan PM KISAN bad ia kane la phah sha ka PFMS ban pynshisha ia ki jingtip kiba iadei bad ki kam pisa; sha ka UIDAI ban pynshisha ia u Aadhar; sha ka income tax server ban peit ia ki jingsiew khajna.
Nangta sha ka NPCI ban pynshisha ia ka jingpyniasoh ia u Aadhaar bad ka bank account. Kaneka la plié lad ia ka Sorkar ba kan pynshisha ia ki nongioh jingmyntoi kiba la don lypa bad ruh kito kiba dang rung thymmai hapoh ka skhim.
Ka PM KISAN ka dei ka jingkylla kaba khraw ha ka rukom ai jingkyrshan ka Sorkar ia ki nongrep ha India bad kadei kawei na ki nuksa ba biang tam jong ka jingai jingsynshar kaba bha bad ruh ka jingpyndonkam ia ki kam digital ban pynpoi ia ki kam sha ki briew. Da kaba pyndonkam ia ki teknoloji digital ha ka jingpyntreikam ia ka PM KISAN, ka Sorkar ka la shim ruh ia ki sienjam ban pynbiang ki kam digital ia ki kam rep.
Kane kan dei sa kawei ka jingbha ia ki paidbah kaba wan ha ki kam rep lyngba ki kam digital, ka jingpyndonkam ia ki jingtip hapoh ka PM KISAN kum ka nongrim jong ki jingtip shaphang ki nongrep ha ka ri bad yn peit ia kane da ki jylla.
Ka jingwanrahia kane ka Agri stack ka plié lad ruh ia ka Sorkar ba kan pynpoi ia ka skhim PM KISAN sha baroh kiba dei ban ioh jingmyntoi bad ban pynshisha ia baroh kito kiba don lypa hapoh ka skhim, katkum ki rukom treikam ka skhim.
Ia ki jingai jingtip shaphang ki patta jaka la pyniasoh bad ki jingdon jingtip ki jylla khnang ba ki jingpyniasohnangneshakhmat bad ki jingdon jingtip ki jylla ka iaidbeitiaidryntih.
Ka E-KYC jong ki nongrep bad ki jingsiew ba pyndonkam da ka Aadhar Payment Bridge (APB) ki dei ki kam ba la sdang da ka tnat ka rep ka riang ban wanrah jingshai shuh shuh hapoh kane ka skhim. Kane ka kam kan iarap ruh ban weng noh ia ki kyrteng jong ki nongrep kiba la khlad noh lane kito kiba la die noh ia la ki jaka, bad kumta ki bym dei ban ioh bynta shuh ha kane ka skhim.
Ki don shibun ki jingwadbniah, kiba pyni ba ka skhim PM KISAN ka la iarap ia ki nongrep ba kin lah ban trei kham bha ha ki kam rep jong ki. Kane pat ka la kyntiew ia ka kam rep baroh kawei.
Kum ban shu kdew, ha ka jingwadbniah ba la pynlong lang bad ka ICAR, ka International Food Policy Research Institute (IFPRI), ka la lap ba kane ka skhim ka la iarap bha ban pynbiang pisa ia ki nongrep ba kin thied ia ki tiar kiba ki donkam ha ka kam rep jong ki.
Shuh shuh, na ka bynta ki nongrep kiba trei ha ki kam kiba rit, ka la iarap ia ki ba kin pynbiang ia ki jingdonkam jong ki ha ki jaka rep bad ruh ha ki jingdonkam ba man ka sngi jong ki, ka pule puthi, ka koit ka khiah bad kiwei kiwei ki jinglut jingsep.
Shisha, ka PM KISAN ka dei kaba la wanrah ia ka jingkylla kaba khraw ha ka jingpynpoi ia ki kam ka Sorkar sha ki nongrep man ka saw bnai bad ha ki por ba ki donkam jingiarap.
