Ka pyrthei kam pat tip bha ia ka jingriew spah ka thain shatei lam mih ngi ka Ri India: Piyush

New Delhi, Nohprah 10: “Ka pyrthei kam pat iohi ia ki lad kiba bun kiba don ha ka thain shatei lammihngi,” la ong u Piyush Goyal haba u la plie ia ka dukan ‘Meghalayan Age’ ha New Delhi.

U Goyal u la ong ba ki jain Mulberry Silk kiba na Meghalaya bad ki shawl, ki siej, ki mar ba shna da ki kti bad kiwei kiwei ki mar kiba mih na ka thain shatei lammihngi ki iaid iew bha ha ki nongjngoh kai kiba na kylleng ka ri bad ruh kito kiba nabar ri.

U Myntri Sorkar Pdeng uba dei khmih ia ki tnat Commerce & Industry, Consumer Affairs, Food & Public Distribution bad Textiles, u Piyush Goyal u la ong, “Ka pyrthei baroh kawei ka dei ka jaka lehkai jong phi.”

Da kaba kynmaw ia ki kyntien jong u Myntri Rangbah Duh ka ri, u Narendra Modi uba la ong, “Ka roi ka par kan ym wan sha ka India lada ka thain shatei lammihngi kam ioh ia ka roi ka par kumba ioh kiwei kiwei ki bynta jong ka ri,”.

u Goyal u lah ong, “Ha ka mynsiem jong u, u don ka jingkut jingmut, ka thong ban wanrah ia ka roi ka par sha ka thain shatei lammihngi bad na ka bynta ka lawei kaba kham bha jong ki briew jong ka thain ka long kaba donkam bha ia ngi ki Myntri ba ngin phaikhmat sha kane ka thain bad puson ia kaei kaba ngi lah ban leh shuh shuh na ka bynta jong ka.”

U Goyal u la ai jingiaroh ia ka rukom saindur ia kane ka dukan kaba don ha ka nongbah jong ka ri bad u la ai jingiaroh ruh ia u Myntri Rangbah, u Conrad Sangma uba la seng ia ka dukan ka ban plie lad ia ki nongsaindur bad ki nongshna tiar ha ryngkat 43,000 ngut ki nongthain jain jong ka jylla ban ioh ban pyni ia ka kolshor, ka riti dustur, ki rukom saindur bad ki mar kiba kyrpang jong ka Meghalaya. U la ong ruh ba kane ka dukan kan kyrshan ia ki karkhana kiba rit.

“Hadien ba nga la iohi ia ka jingtbit jong ki nongsaindur,ki nongthain jain bad ki nongshna tiar, nga lah ban ong ba kane ka dei tang ka jingsdang. Ki lad ki long kiba bun, ki sap jong phi ki long kiba iar, ka jingtbit jong phi kaba phi la pyni ruh ka long kaba iar,” lah ong u Goyal.

U Goyal u la aiti ruh ia ka jingialang ban plie ia kane ka dukan Meghalayan Age hynnin janmiet sha ka jingkynmaw burom ia u CDS, General Bipin Rawat da kaba ong ba u long shisha u KarmaYogi uba la trei shitom ban pynlong ia ka India kaba khraw.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet