Shillong, Jylliew 12: Ka Ri Japan kala shim ia ka rai ban bei pisa sha North East kyntup ia ka jylla Meghalaya kaban kot sha ka 205.784 billion Yen, kaba la kot sha ka T.13,000 klur tyngka ha ki skhim bapher bapher ha kane ka dong shatei lam mih ngi jong ka Ri India.
Ia kane la iathuh da u nongkit ktien ka Ri Japan u Kenji Hiramatsu ha ka jingiakynduh bad u Myntri ba dei peit ia ka dong shatei lam mih ngi u Dr Jitendra Singh ha nongbah Delhi.
Ki skhim kiba yn pyntrei ha kane ka dong shatei lam mih ngi na katei ka jingbei pisa jong ka Ri Japan ki long ka, Guwahati Water Supply Project bad Guwahati Sewage Project ha Assam, ka Northeast Road Network haba ia dei bad ki surok ha pdeng ka jylla Assam bad Meghalaya.
Ha Meghalaya, kan bei pisa ia ka “Bio-diversity Conservation and Forest Management Project” ha ka jylla Sikkim, ha kaba ia dei bad ka jingpynneh ia ki khlaw bad ha jylla Tripura, ia ka kshim “Technical Cooperation Project” ha kaba ia dei bad ka rep ka riang, ha Mizoram bad Nagaland kan long ka jingpynneh ia ki khlaw.
Dr Jitendra Singh myntri ka sorkar pdeng ba dei peit ia ka North East u la ai ka jingiaroh ia ka Ri Japan kaba la shim ia kane ka rain a ka bynta ban kyntiew ia ka roi ka par ha North East, la iathuh ba kane ka sorkar hapoh ka jingialam jong u Narendra Modi ka la pynkylla ia ka ain kaba la 90 snem jong ka “Indian Forest Act of 1919” bala shna da ki phareng ban pynlait ia ki siej kiba la thung na katei ka ain.
