Shillong, Rymphang 22: Mynta ka sngi ka All Meghalaya Labour Association (AMLA) kala pynlong ia ka jingialang ha Khasi National Dorbar Halls ha Mawkhar ban ai kren ha kaba ia dei bad ka kam bylla ha kane ka jylla.
Haba kren ha ki lat pathai khubor u President ka seng u bah Danny Dunai u la ong ba ka jingkhot ia kane ka jingialang ka long ba ki briew na kylleng ki kwah ban tip ia ka jingtrei kam ka seng bad kine kiba la poi mynta ka sngi ki dei na South West Khasi Hills bad Ri Bhoi District.
La iathuh ba ha kane ka jingialang kila shem ba ka rukom trei kam ki briew jong ngi kala hiar palat kata kaba ki khot ha ka kien nongwei ka “Work Culture” ban pynsngewthuh ia ka jingkor dor jong ka kam ka seng kan sa ai jinghikai ia ki briew ha kane ka bynta ban shim ia ka jingkit khlieh ia ka kam.
U Bah Danny u la ong ba kum ka seng kan pynsaw ia kane sha baroh kawei ka jylla ba dei ban long kiba don ia ka jingbat ryntih haba trei ka kam, dei ban kylla ka jingmut jingpyrkhat dei ban long kiba burom ia ka por haba ki trei ki ktah, ka dei ka dei ka phang pdeng jong kane ka jingiakynduh jong ki mynta ka sngi.
La ong “ba la iohi ba ki kam kontrak la shim da ki kompnei kiba heh baheh, phi iohi ba ki nongtrei ki duna palat kham tam ki briew jong ngi, bun ngi iohi beit tang kiba na bar, haba iohi kumto ka ktah shisha hynrei sngewthuh, don ki kompnei kiba la buh ia ki briew jong ngi ruh hynrei ia kaei kaba ki kompeni ki khmih lynti kim dep namar kim biang haba ki trei ki ktah”.
Mynta lyngba kane ka seng ryngkat ka jingiatreilang bad ka tnad Labour jong ka sorkar jylla kin ai jinghikai ban pynbha shuh shuh ia ka jingtrei jingkta ka jong ki, u la ong ba ki briew jong ngi ki duna palat kata ka jingkit khlieh”, la ong u Bah Danny Dunai president ka AMLA.
