Shillong Naiwieng 03: Ka tamsa “Ri Khaiñ Festival 2019” kana ar sngi la pynkut da ka jingiakop thei bha briew ia kaba la tip kum ka “Miss Wah Kynshi” kaba la long ha ka shnong Markham kaba hap hapoh jong ka Mairang Civil Sub Divison jong ka West Khasi Hills District.
Ha kane ka jingiakop thei bha briew ka samla Laibynta J Nongsiej kala long ka nongjop, kaba wan ba ar ka dei ka samla Ferenia Kharsyntiew kaba la wan ba lai ka dei ka samla Larisa Basaiawmoit .
Ha ka jingiakop “Mr Lum Kyllang” ia ka nam lahduh la ioh da u samla Joelizer Syiemlieh, u ba la wan ba ar dei u samla Luckyson Basaiawmoit bad u ba la wan balai dei u samla Wellsenstar Kharmawlong.
Ha kane ka jingiakop kila don ruh kiwei kiwei ki jingai khusnam sha ki nongjop kum ha ka Miss Personality, Miss Beauty with brains, Miss Beautiful Smile naka bynta ki samla kynthei bad kum juh ia ki samla shynrang ia kaba la tip kum ka Mr Personality, Mr Brawn with Brains bad Mr. Dashing Smile.
Ha kane ka sngi u symbut myntri rangbah ka jylla u bah Prestone Tynsong u ba la ia don lang ban sakhi ia kane ka tamsa u la sam ia ki khusnam sha ki nongjop ha ki jingialehkai ba bun jaid jong kane ka tamasa.
