Ka samla Marbiang ka dei ka kynthei ba nungkong ban shah jied president KSU Unit ha Delhi

Shillong, Risaw 27: Ka seng kmie jong ka Khasi Student Union kala  pynskhem iaka KSU Delhi unit ha ka jingialang kaba la long ha ka sngi Saitjian kaba la long ha ka 9-APJ Abdul Kalam Road ha Nongbah New Delhi, ha kaba ka samla Marbiang Khongwir kala shah jied kum ka president bad kane ka long ka sien ba nyngkong ba ka samla kynthei kan ialam ia ka unit khamtam ha Nongbah Delhi.

 

Ha ka 26/10/2019 sngi saitjain  la don ruh ka jingia kynduh lang ki samla Khasi kiba Pule bad ba trei ha Nongbah New Delhi kaba la pynlong ruh daka Unit bad la ia don ryngkat ruh u Samla Lambokstar Marngar, President Sengkmie U ba long ruh u Kongsan, u Samla Manly Nongpluh, Finance Secretary Sengkmie kum u Symbud Kongsan, u Samla Ruben Najiar, CEC Member ka Sengkmie.

U bah Kynpham V. Kharlyngdoh, muktiar ka Supreme Court bad U President ba nyngkong ka Delhi Unit bad kiwei kiwei ki riew rangbah bad ki longkmie long kpa kiba pynshit pynsngain ha katei ka sngi ha kaba ki samla Khasi ba don ha Nongbah New Delhi ki la ia tuid ban ia ithuh para doh para snam.

Ha ka jingkren kum u Kongsan u Samla Lambokstar Marngar u la ai ka kyntien kyntu kynpham iaki samla ba wan pule bad ba trei haka Nongbah New Delhi ba kim dei ba pynleh nohei iaka jingthmu bad ka thong bad ban kynmaw ruh iaka akor ka burom bad ka thymmei ba ki wan.

U la iaroh iaka KSU Delhi kaba dang iai khie rasong haduh kane ka por bad ki daw baroh ka dei namar ba dang don ki samla kiba don jingkitkhlieh bad ba ki samla bad ka jaitbynriew ki shaniah bad ki ngeit tylli ha kane ka Seng bad khamtam eh ba kum ka seng kaba peit kaba khmih iaki samla pule bad iaki samka kiba wad kam wad jam jong ka jaitbynriew.

U la ai ruh ki kyntien kyrkhu kyrdon iaka Unit ba kan nangkiew shakhmat ha baroh ki kam. Shuh shuh U la kyntu iaki samla ba ha kiba bun ki jingtrei bun bah ki dieng pynkiang bad ki ban wohkjat hynrei kim dei ban sngew phylla ia kata bad ki dei ban iaid shakhmat.

Ha kane ka sngi la ioh ruh ka jingkren na U Symbud Kongsan, Samla Manly Nongpluh u ba la kyrkhu kyrdoh bad ai jingiaroh iaka Samla Marbiang Khongwir kaba dei ruh ka nongkitkam ka Girls’ Wing ha Shillong bad dkhot ka Laban Circle bad ha kaba ka Laban Circle ka la pynkup burom ruh ia ka hadien ba kaIa shimti iaka kam President ka Delhi Unit.

U la pynkynmaw ruh kumno ka Seng ka la iaid haki 43 tylli ki snem naka por shaka por watla bun ki jingtynjuh kiba har rukom. Ha kane ka sngi la ioh ruh iaka jingkren na u Bah Kynpham V Kharlyngdoh, Muktiar ka Supreme Court bad u President ba nyngkong ka Delhi ha kaba u la ai mynsiem iaki Samla kiba wan pule bad trei ha New Delhi bad u la kyntu iaki ban long kiba ia tylli bad kynmaw iaka tynrai kum ka jaitbynriew.

U la ai nuksa ruh baka KSU Delhi ba ka long kum ka iing jngai nala iing. U la pynkynmaw ruh ba kumno la ioh ban pynlong nyngkong iaka KSU ha kane ka Nongbah New Delhi ha u snem 2014 dei namar ka jingdon ki para samla kiba don ka jingkitkhlieh ia ka Ri bad iaka jaitbynriew bad kiba kwah ba kiwei ruh kin kiew lang bad tynrong lang iaka jingdon kam ki para doh para snam bad kiba shem jynjar ha kane ka Nongbah Delhi.

Nalor ka President , kwei ki nongkit kam ki long u samla Wallam K Nongsiej kum u Vice President, u Samla J.Mathew Tangsong general secretary samla Dr Bapynsuk Nohwir Joint secretary Samla Dr N Nongtdu Finance secretary, samla Dr A Syiemiong assistant finance secretary, Education Scretary samla B Umdor bad 30 ngut kiwei de ki nongkit kam ka seng.

 

What Next?

Recent Articles

Leave a Reply

Submit Comment

*