Shillong, Naiwieng 19: Ha ka ba iadei bad ka election MP na ka liang U bah Paul Lyngdoh u ba dei u myntri na ka seng UDP u la ong ba ka seng ka kan sajied da u ba kynsai tam na pdeng baroh ki ba pan tiket na ka UDP, u la ong ruh ba haduh mynta na ka liang ka party kam pat shym la rai iano iano ba kan phah ban long kum u kyrtong jong ka party.
Ha bakylli la u dang kwah ne em ban ia khun ia ka election MP na ka liang u bah Paul u la ong baia mynta ka kam ka ba u bat kum u MLA bad MDC jong ka district council ka long ka ba khia than kumta u la rai ba un ym ia khun ia kane ka Election MP.
Ha ka ba iadei bad ka jingeh jong ki ASHA u nongaiktien ka sorkar jylla u bah Paul Lyngdoh u la ong ba ka myntri badei peit ia ka tnad ka koit ka khiah ka kong Ampareen Lyngdoh kala leh ia kaba bha tam bad shim khia bha ha ba iadei ki nongtrei ASHA jong ka jylla.
U bah Paul u la ong ba ha ka kam kin don beit ki ban khñium ki ban nymhun hynrei kaei ba ka kong Ampareen Lyngdoh kala dep ban pynpaw ba yn dang pyneit ia ki jingduna ki jingbymbiang kata hi ka la biang palat.
Haba kylli pat haba iadei ka jingioh jong ki ASHA lyngba ka incentive u la jubab da kaba ong ba ka jylla Meghalaya ka la dei kawei na ki jylla kaba khlain bha ha ba iadei bad kata kum juhruh ka dei kaba khaiñbha ban ai jingiadaia ki ASHA.
Hynrei ha ka jingimbriew kimhun bad haba ki la ioh katto ki dang khmihlynti shuh shuh. Hynrei u don u pud bad ka sorkar kam shym la leh beiñ satiaia ki nongtrei ASHA. Ha ka thaiñ lam mihngi ka Meghalaya ka dei kawei ka state kaba la leh bha shibun ia ki ASHA.
U bah Paul u la ong ha ka shynshar paitbah long laitluid ban wan ha ka miej jingiakren, namar kane ka ktah hi ia ka kam jong ki hi lada ki shumih ha surok. Ai por ruh ia ka sorkar katto katne ba kan pynbeit.
