Shillong: Ka Lum Jingthang Committee ka Seng Khasi Kmie, ka pyntip sha baroh ki parakur ki parakha ba ka jingpynkhuid paidbah ïa u Lum Jingthang Briew ba don ha Jaïaw, ba la buh ban pynlong ha ka 25 tarik Ïaiong 2021, la rai ban pynsangeh noh ïa ka.
Ka daw ban pynsangeh noh ïa kane ka jingpynkhuid paidbah ka dei hadien ba nang mih ki sngi ka jinglong jingman ka pyrthei ka mariang, ka lam sha kaba ima khamtam lei lei kaba ïadei bad ka jingsdang ban pur sted biang sa shisien jong ka khlam ka ngoh.
Kumta na ka liang ka Lum Jingthang Committee Seng Khasi Kmie, lyngba une u kyrwoh ka pyntip sha baroh ki parakur ki parakha ba mynta ka kynti, ka komiti ka la shim biang ïa ka rai ban nym pynlong ïa kane ka jingpynkhuid paidbah kat kum ka sngi bad ka tarik ba la kdew haneng.
Kane ka long kat kum ka kyrwoh u Chairman bad Secretary Lum Jingthang Committee Rgh Wallamphang Roy bad Rgh Kemdro L. Mawlong.
