Shillong,Nailur 15: U Chief Executive Member jong ka KHADC u bh Titostarwell Chyne la ong haba ia dei bad ka ‘Casino’ ha dien bala iohi bala ai ia ka jingbit na ka liang jong u Syiem Raid Marwet na ka liang jong ka KHADC kala phah da ka shithi ha ka 27th Nailar 2022 bad ha ka 01st Nailur 2022 la ioh pdiang ia ka jubab shai na u Syiem ka Raid Marwet.
Ha ka jingpynshai kaba la phah da u Syiem ka Raid Marwet la ong ba kan shym don kano kano ka jingthoh ‘Casino’ hangta ha Khanapara, na ka liang ka dorbar raid marwet ka khlem ai jingbit kane ka shong ha ka sorkar jylla.
Ha ka shithi kaba la phah sha KHADC na ka liang ka raid marwet la ong ba kumba ka paw kaba kim sngewthuh kaba ki dang hap ban pan jingshai shuh shuh na u syiem raid Marwet hakaba ia dei bad kane ka jingong ba hapoh Raid Marwet ym don ba pyrshah ia ka Casino.
Na kane ka shithi kaba la paw ba wat la ym pat ia ia ka jingbit hynrei ka paw shai ba ym pyrshah ia ka Casino , haba ia dei bad kane kin dang tih bniah shuh imat ka don ei ei sha lyndet halor kane ki dang hap ban peit bniah.
Kawei ka bynta la ong ba lada ka sorkar ka ai jingbit kin nym lah ban pyrshah ia ka sorkar hynrei ka shong ha ki bor ba halor, kane ka long kaba mut u long Syiem Raid Marwet ban leh aiu hato u don ban ai jingbit ia ki Trading License, ai jingbit tang ban ia dei jaka, ne ban ai jingbit ia ka Casino.
Ban seng ia ka Casino dei ban ioh ia ka jingbit na u Syiem ka Raid Marwet bad Rangbah Shnong jong kato ka jaka te mynta, lada u syiem raid marwet u kyntait kaba mut ba ka KHADC kan hap ban thoh sa sha u to u rangbah shnong ban pan jingshai shuh san a u.
U CEM ka KHADC la ong ba ki pyrshah ban wanrah ia ka Casino kane ka dei ka rai jong ki MDC, mynshuwa ka dei tang ka jingkren kum u CEM hynrei mynta ka dei ka rai jong baroh ki MDC kiba la ia don lang na baroh ki party.
U bah Titossatrwell la ong ba ka jingpyrshah jong ki ka long kumba la iohi ia ka jingpyrshah na ki seng bhalang, ki kynhun bhalang, ka synjuk ki rangbah shnong ka thain Ri Bhoi, ka jingpyrshah ka long ba kane kan wanrah ia nam da kumwei pat ia ka jylla Meghalya.
MYnshuwa kin ong ba ka jylla Meghalaya ka dei ka jylla kaba tip briew tip blei, ka ri ka akor ka burom, ka jingitynad ka mariang, kaei kaba ki kwah ka long ba ki nongwan shangsuwari kin wan ba ka itynnad ka mariang, kim kwah ban iohi ba ki nongwan shangsuwari kin ia khalai, ban ia leh ki kam awaria ban ia leh ki jingsniew kiba harukom.
U bah Titosstarwell la ong ba shisien ba la don ki jaka iakhalai kin don ki hotel bad kin sdang ban leh ia ki kam awaria bad kin jot ki kynthei, samla shynrang bat kumta terter. Halor ka jingujor pyrshah ia u Syiem ka Raid Marwet la ong ba kin dang bishar bniah ha dien ba la dep ban bishar kin sa peit ban leh ia kaba don kam.
Haba ia dei bad ka jingpyntreikam ia ka CrPC bad CPC kin sa khot ia ka jingialang haka 21 tarik mynta u bnai ia ki hima bad ia ki muktiar jong ki hima baroh ban ai ka jingpynshai shuhshuh, na ka liang jong ki kila ia shai wat la kim pat hun haduh katta ki dang don hi ki kyntien kaba kim pat da hun haduh katta katta.
U CEM ka KHADC u la ong ba kimpat shim kano kano ka rai namar kane ka kam ka long kaba ktah bha bad kaba ki hapban phikir bha ba ioh ka poi ka por ba kin duhbor shisha ha kane ka jingialang la shim ia ka rai ba kin khot shuwa ia ki hima baroh ba dei ban da kynjoh ktien lang ia ka baroh.
