Shillong, Nohprah 12: Ka Seng Kynthei ka shnong Jaiaw Langsning mynta ka sngi ka la plie pyrda ia ka jingrakhe ia ka jingdap 50 snem ka seng naduh ba la seng ha u snem 1971-72, bad kane ka seng ka dang iaid ha ka jingtrei kam ka jong ka hapoh ka shnong ban ia kit ia bah ia ka shnong ka thaw.
U kongsan ha kane ka sngi u Rangbah shnong ka Dorbar Shnong Jaiaw Langsning u bah Erland Sun haba kren ha kane ka sngi, u la ong u la ong ba ka imlang sahlang ka shngain haba mih ki kynthei bad ka pyn shynrain ia ki briew ban leh ia kino kino ki kam khlem akor.
U la ong ba ha ka imlang sahlang don kam bha ia ki longkmie namar dei ki longkmie kiba ri ba kdup ha iing ha sem bad kidei kita ki rishot ha ka bha ka miat, la ong ba lhlem ki longkmie ka iing ka long thylli bad ha ka imlang sahlang khlem ki longkmie ka shnong ka thaw ka pjah bad thylli.
U la ong ba ka shnong Jaiaw Langsning kadei ka shnong kaba nyngkong duh ban pdiang ia ki riew kynthei ba kin long ki dkhot Executive member ha ka shnong. Kum ka jaidbynriew Khasi ym dei ban tieng ia ki bor ba na sha lyndet kiban wan.
Kaba kongsan eh ka dei ban pynskhem ia ka imlang sahlang bad u kyntu ba yn nang lah ban pynkhie im rasong ia ka imlang sahlang ban bud ryntih ia ki riti dustur. Ha kane ka sngi, la donlang ka Symbud kongsan ka kong Aitigratis Lyngwa bad la wan pynshngain ruh da u bah Paul Lyngdoh u MDC ka Jaiaw.
ka nongialam jong ka Lympung ki Seng Kynthei ka kong Theilin Phanbuh bad Dr MPR Lyngdoh ka President jong ka Seng Samla Jaiaw Langsning, Rishan Rapsang, ryngkat ki nongshong shnong jong kane ka dong.
Kum shi bynta ban pynshongkun ia ka jingrakhe la don ka jingrwai bad la sam ruh ia ki Momento sha ki katto katne ngut ki longkmie kiba la kham Rangbah kiba la ju bad ia ka kam ha ka shnong ka thaw. Na ka Ka president ka Kong Mirth Lilian Mary Blah ka la ai ka jingpdiang burom ia baroh kiba wan ban sakhi lang ha kane ka sngi.
