Shillong, Rymphang 13: Namar ba kan don ka elekshon sha ka iing dorbar jong ka Khasi Hills Autonomous District Council bad Jaintia Hills Autonomous District Council haka 21 tarik mynta u bnai la ai shuiti kyrpang ia ki nongtrei ka sorkar pdeng ba kin ioh ban thep vote MDC.
Kane ka shuti kaba kyrpang la shah ia ki nongtrei ka sorkar pdeng tang ia kito kiba don ia ka vote jong ki ban jied ia ki MDC sha kitei ki ar tylli ki iing dorbar ka ban long ha ka 21/2/2025 bad kane kan long tang ha k sngi thep vote.
Ia kane ka jingpynbna bala shah ia ki nongtrei ka sorkar pdeng ban shim shuti ha katei ka sngi thep vote la pynmih ia ka jingpynbna lyngba u Deputy Secretary jong ka sorkar Meghalaya ba dei peit ia ka tnad District Council Affairs.
