Ka sorkar  haba ka shim ia kano kano ka rai ka pyrkhat ia ki khun samla: Conrad

Shillong, Kyllalyngkot 20: U Myntri rangbah ka jylla u Conrad K Sngma haba kren ha ka jngpynkup burom  ia ki samla pule kiba pass bha ha ka klass X bad klass XII ha kaba ka sorkar kala ai Laptops, la ong ka sorkar ha ba ka shim ia kano kano rai kan kham pyrkhat na ka bynta ki khun samla.

U myntri rangbah ka jylla u la ong ba ka sorkar ka buh ia ki khun samla ha khmat h kaba shim ia kano kano ka rai, na ka bynta ban kyntiew ia ka ioh ka kot ka jylla don kam ban pynupbor ia ki khun samla, ka sorkar ka phai khmat sha ki khun samla.

Haba ka sorkar ka shim ia kano kano rai ka buh ia ki samla ha khmat bad kaei kaei kaba ka sorkar ka shim ia ka rai ka long na ka bynta kaei kaba ki khun samla ki angnud kaba ka sorkar kan leh na ka bynta jong ki.

Haba kren halor ka jingtei na ka bynta ban kyntiew ia ki kam ialehkai, la ong ba ailad ia ki samla ba kin pyni iala ki sap ki phong kaba ki don ba kin lah ban ia kop ha ka lympung jong ka Ri bad ka pyrthei kynthup ia ka jingialehkai Olympics.

Ka sorkar ka buh ha khmat ia ki jingdon kam ki long kmie, ki kynnah bad ki samla namar kine ki dei ka nongrim jong ka lawei jong ka ri bad kaei kaba ki leh ka long ban kyntiew ia ka roi ka par jong ka jylla ha baroh ki liang.

U  myntri rangbah ka jylla u la ai khublei kyrpang ia ki 300 ngut ki samla pule kiba dei jong u snem 2023-2024  kiba la pass bha bad ia ka jingsam ia kane ka khusnam la pynlong ha Soso Tham Auditorium Shillong.

Ka sorkar mynta ka pynleit jingmut ban pyntrei kam ia ki skhim kum ka PMGSY, JJM bad kiwei ki skhim na ka bynta ki nongrep bad kine ki long ban wanrah ia ka jingkylla ha ka ioh ka kot jong ki briew, ka sorkar ka pynleit jingmut ym tang ban pyntrei ia ki skhim hynrei ban pynthikna ba ki dei ban don ki jingmih na ki skhim.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet