Ka sorkar India ka dang ia kren bad ka Bangladesh ia ka dor Internet na Chittagong

Shillong, Nailur 24: “ka dei ka jingshisha ba “Submarine Cable” kaba wan na Singapore u la poi ha Chittagong ha Bangladesh bad la slem bha kala don ka jingiakren ban wanrah ia ka line sha ki jylla ka dong shatei Lammihngi jong ka Ri India na katei ka jaka jong ka Ri Bangladesh” la ong u Conrad myntri rangbah ka jylla,

Ka phang ba kaba ka Ri India bad ka ri Bangladesh kaba ki dang ia kren ka long ia dor, namar kumba ka long mynta ka dor kaba ka Bangladesh ka buh ka heh san shah ban ia ia ka dor Internet kaba wan na Chennai.

“Kane ka dei kaei kaei kaba kin nym lah ban kren ei ei na ka liang jong ka jylla ne ban ai kano kano ka jingkular namar ka dei ka kam jong ka sorkar pdeng kane ka dei ka jingtip kaba la ioh, ngi la kylli na ka sorkar pdeng ha ka jingiakynduh bad u myntri ka sorkar pdeng ba dei peit ia ka ministry information technology ba kan peit ia kane ka bynta”, ong u Conrad.

Ha ka jingiakren bad ka sorkar pdeng la iathuh ba ka dor kaba la buh ka long san shah ka jingrem dor ia ka dor ba ka Internet ka wan na Chennai, yn nym lah ban pyniaid iew bad kam long ruh ia mynta bad ia kane don kam ban ia kren ha pdeng ka sorkar India bad ka sorkar Bangladesh ban ai pynbeit ban pynhiar ia ka dor khnang ban lah ban shim.

“Ka dei ka jingshisha ba kane ka submarine cable ka kham jan sha ki jylla ka dong shatei lam mih ngi ka Ri India lada lah ban shim ia katei ka jaka kan long ka jingkyrkhu ia ki paidbah ka dong shatei Lammihngi jong ka Ri India bad kane kan kyntiew ia ka Information Technology ha kane ka thain ban kyntiew ia ka ioh ka kot” la ong u mytnri rangbah ka jylla.

Kumba ka long mynta ka sorkar pdeng ka dang bteng ia ka jingiakren ha kane ka bynta bad ka sorkar Bangladesh bad kyrmen ba ka sorkar pdeng kan lah ban ia pynbeit ha kaba ia dei bad ka dor ka Internet, la ong u Myntri rangbah ka jylla ha ka jingialang kaba la long ha Pinewood dangshen.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet