Ka sorkar India kam burom iaka rai ka iing dorbar thawain ka jylla ban dawa ILP: Lamphrang

Shillong, Naiwieng 27: Ka kynhun ki seng bhalang hapoh ka lama jong ka CoMSO mynta ka sngi kala sdang ia ka jingwah lama iong ha ka jylla baroh kawei ban dawa na ka sorkar pdeng ba ka dei ban pyntrei kam noh ia ka Inner Line Permit hapoh ka jylla Meghalaya. Ia kane ka jingwah lama iong la sdang na Motphran mynta ka step.

U bah Lamphrang Kharbnai president ka HANM kaba dei kawei na ki seng kiba ia don lang ha ka kynhun CoMSO haba kren ha ki lat pathai khubor u la ong ba kane ka jingbym pat pyntrei kam ia ka ILP ha kane ka jylla da ka sorkar pdeng ka long ba ka sorkar India kam burom iaka rai ka iing dorbar thawain ka jylla ban dawa ia ka ILP.

U bah Kharbani  la ong ba haba ki 60 ngut ki MLA jong ka iing dorbar ki pdiang ia ka rai ban dawa ia ka ILP ha kane ka jylla ka long ba ki 30 lak ngut ki paidbah nongshong shnong jong ka jylla ki dawa ban pyntrei kam ia ka ILP ha ka jylla.

U tei u nongialam  ka HANM la ong ba kane ka jingleh jong ka sorkar pdeng ka kdew shai ba kam burom ia ka iing dorbar thawain ka jylla, kam burom ia ki 60 ngut ki MLA bad kam burom ia ki 30 lak ngut ki nongshong shnong jong ka jylla Meghalaya.

Lada ka sorkar pdeng ka lah ban pyntrei kam ia ka ILP ha ka jylla Arunachal Pradesh, Nagaland, Manipur bad Tripura, kaei ka jingeh ban pyntrei kam ia ka ILP ha ka jylla Meghalaya, u la buh ka jingkylli hato ka jylla Meghalaya kam dei kawei na ki jylla ha ka Ri India, lada kam dei ka sorkar pdeng ka dei ban kren shai.

Ha ka kyrteng jong ka CoMSO u bah Kharbani u la ong ba lada ka sorkar pdeng kam sngap ia ka jingdawa ILP ki paidbah ka jylla Meghalaya kum ka kynhun kan dang pynjur shuh shuh ia ka jingiakhih ha dien ka saw tarik Nohprah 2020 haduh ban da ioh ia ka ILP.

Ka jingong ki nongialam ka sorkar NDA ha Delhi ba ki dang peit bniah sa kaei pat ki kin dang peit bniah haba ka iing dorbar kala dep ban shim ia ka rai, ka jingong u nongialam ka BJP ha Shillong ba kin dang bishar bniah sa kaei pat kin dang bishar, ki ar ngut ki MLA jong ka BJP u bah AL Hek bad u bah Sanbor Shulai ki dei ban shim khia ia kane.

U bah Kharbani u la ong ba ym lah ban len ba ha ka por ba ioh ia ka jinglaitluid da ka jingdon jong u bah JJM Nicols Roy hapoh ka Drafting jong ka Constituent Assembly la ioh ia ka Sixth Schedule bad ha u snem 1972 ba ioh ia ka jylla la ioh ia ka Land Transfer Act ban iada ia jaidbynriew, hynrei katkum ka jingiaid ka por kine kim pat biang la don kam ia ka ILP ban iada ia ki rit paid.

U bah Donbok Kharlyngdoh nongialam ka HYC, u la ong ba kum ka kynhun ha kine ki bnai kiba la leit noh wat hapdeng ka jingdon kane ka khlam COVID-19 kim shym la sngap jar kila thoh sha ka sorkar bad kum juh kila ia phone halor kane ka jingdawa ILP bad mynta kila mih madan ban wah lama iong bad ka CoMSO ka dawa ia ki MLA baroh 60 ngut ba kin leit ban pyrta sha Delhi lada don kam ka CoMSO ruh kan leit lang.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet