Shillong, Jylliew 18: U Myntri ka tnat Tourism u bah Paul Lyngdoh u la ong ba ka Sorkar Jylla kan nym kwah shuh ban iaid shakhmat ban ujor ia ka iing ka sem jong ka Sonam Raghuvanshi namar u hynmen jong ka u Govid Raghuvanshi u la dep ban panmap.
Haba kren sha ki nongthoh khubor u bah Paul u la ong “U hynmen jong ka Sonam Raguvanshi u la dep panmap lyngba ki National Media halor ka jingkynthoh ia ka Meghalaya khamtam ia ka tnat Pulit.
Kila pyndep ia ki jingdawa jong ngi ba ki la weng noh ia ka jingkynthoh jong ki namarkata nga tharai ba ka mukotduma kam ieng naduh ba ki la panmap” ong u ah Paul.
Lah ban kdew ba shi sngi hadien ba ka jingshisha ka la sdang paw pyrthei halor ka jingshah pynïap u Raja Raghuvanshi ha Sohra, ka Sorkar Meghalaya ka la byrngem ban ujor da ka Case ïa baroh kiba pynthohbria ia ka jylla.
