Shillong, Lber 09: U Myntri kam poh iing ka sorkar jylla u bah Lahkmen Rymbui haba jubab ia ka jingkylli bala wanrah da u bah Nujorki Sungoh MLA, ha kaba ia dei bad ka Police Outpost ha shnong Barato, u myntri kam poh iing u la pyntip hapoh ka iing dorbar ba ka sorkar ka dang bishar bniah bad shen ka sorkar kan sa shim ia kan sa buh ia ka police outpost ha katei ka jaka.
Haba ia dei bad ka jingbuh ia ka jaka ban don ki kali pynlip ding, u myntri kam poh iing u la iathuh ba ka sorkar kala ioh ia ka jaka ha ka shnong Raliang ha ba ia dei bad kane ka sorkar ka dang peit bniah haba ia dei bad kane ka kam.
U bah Nujorki MLA, u la pynsngew hapoh ka iing dorbar ba ka shnong Barato ka hap hapoh ka Nartiang Police Statation kaba jngai kumba 46 km. La ong ba ka jingbym ioh ia ka jaka thoh eksamin ki khynnah ia leh matrik ha katei ka jaka ka dei na ka daw bym don Bank bad Police Station.
Na ka liang jong u MLA katei ka jaka u la kyntu jur ia ka sorkar ba kan shim khia ban buh ia ka Police Outpost hapoh ka shnong Barato khnang ba ka tei ka jaka kan ioh ia ka jingshngian ki paidbah kiba don ha katei ka thain.
