Shillong, Nailar 18: U symbut myntri rangbah ka jylla u bah Prestone Tynsong mynta ka sngi  la pynshai ba ka pisa kaba ngi ioh dei tang T.251 klur bad ka bynta kaba ka sorkar jylla ka hap ban thep ka long T.55 klur bad ka ki ioh na ka sorkar deng ka long T. 196 klur. Kam dei kumba kynnoh ka TMC T.1005 klur tyngka hapoh kane ka SSCL Agency.

Ka TMC kala kynnoh ba ki khlem pat ai jingkhein ha kaba ia dei bad ka jingpyndon kam ia ka pisa ka dei ka jingshisha, hynrei ka jingai jingkhien kan long katkum ka ain bad ki kyndon kiba la don katkum ka Register Cooperative Society ka CAG kala la jingbit bad ia ka jingkhein ruh la dep ban ioh.

U bah Prestone u kyntu ba lada ka wan kano kano ka jingthoh da wat jingtip shuwa na ki tnad kiba dei peit khnnang ban sngewthuh ban ioh ia ka jingshai na baroh ar liang hynrei ban shu sngap tang shiliangkan nym poi shano shna ruh namar lada la ai ia ka jingpynshai kan long ka jinglehrain.

U Symbut myntri rangbah ka jylla la ong ba kum kane ka jingkynnoh ka dei ka sien kaba lai, la ong ba kynnoh ia ka sorkar katba phi ia kynnoh, hynrei sngewbha shuwa ban leh ia kata da peit bniah shuwa ioh ka kyroh kylla.

Kan bha shibun la ki dei ki seng sain pyrthe lane dei mano mano ruh ia kano kano ka dei ban ai jingtip paidbah ai bad ka nongrim kaba shisha bad na ka sorkar ruh kumjuh kane kan buh ia ka jingeh.