Shillong, Nailar 14: U bah Titosstarwell Chyne MDC jong ka Sohra u ba dei ruh u CEM jong ka KHADC mynta ka sngi kila leit ban ia kynduh ia u Myntri Rangbah ka jylla u Conead K Sangma ban ai ia ka dorkhas haba ia dei bad ka jingeh ka Mawmluh Cherra Cement Limited kaba dei ka pliangja jong ki briew ka thain Sohra.
Haba kren ha ki lat pathai khubor ha ka jingiadon lang ki nongkitkam jong ka Hima Sohra u bah Titosstarwell Chyne u la iathuh ba kane jingia kynduh ia u Myntri Rangbah ka jylla ka long ban kyntu ia ka sorkar ban wat ki lat ki lynti ban pynim ia kane ka karkhana pynmih dewbilat jong ka sorkar kaba don ha Sohra.
Na ka liang jong u CEM u la iathuh ba ha kane ka jingia kren la dawa ba dei ban wengnoh ia u Chief General Manager jong MCCL bad ha ka juh ka por ban thung ia ka kynhun tohkit ban lap ia k jingshisha balei kane ka kompeni ka sorkar ka poi ha kane ka jingeh.
Ha kane ka jingiaktnduh kila ia kren ruh ia ka jingeh jong ki nongtrei kiba khlem ioh tulop naduh u bnai Kyllalyngkot 2020 haduh mynta la jan dap phra bnai. Ha kane ka jingiaktnduh kila kyntu ia u Myntri Rangbah ban wat ki lat ki lynti kumno ban pynim biang ia kane ka jaka pynmih dewbilat ka sorkar.
Haba ia dei bad ki nongtrei la kyntu ia u Myntri Rangbah ba un ai lat ia ki nongtrei ban dang bteng ia ka kam jong ki hapoh kane ka karkhana jong ka sorkar, hajuh ka por la ai jingmut ban ailat ia ki nongtrei ba kin shim ia ka jingshong thait da ka mom sngewbha ” Voluntary Retirement Scheme”.
