Shillong, Lber 04: U Myntri kam poh iing ka jylla u Bah Lahkmen Rymbui u la ong ba ka sorkar ka don ka jingsngew khia bha ha kaba ia dei bad ki jingeh kaba ki paidbah ki ia kynduh, ka dei ka kamram jong ka sorkar ban peit ba kano kano ka jingeh ka dei ban long tang shipor.
Halor kane ka sorkar ka ia shong ban bishar bniah na ka por sha ka por namar ka kam kaba ha khmat eh jong ka sorkar ka long ban pynneh ia ka shong suk shong sain ha ka jylla, na ki jingtip kiba ka sorkar ka don ha kato ka por ka long ba kam pat long ban weng ia ka koprphiew na katei ka jaka.
U Myntri kam poh iing u la iathuh ba ar sien shisngi u khot ban ia kren halor ka jinglong jongman ka shong suk shong sain, na ka liang jong ka sorkar kan shim ia baroh ki lad ki lynti ban pynthikna ba ki paidbah jong ka jylla kin nym ia kynduh ia ki jingeh.
U Symbut myntri rangbah u bah Prestone Tynsong u la ong, nalor kaei kaba u myntri kam poh iing u la kren, la ong ba kum ka sorkar Meghalaya Democratic Alliance baroh kawei ki sngewsih ban iohi ia kum kine ki jingjia baroh, ki ia kren ia kane hapoh jong ka sorkar MDA namar ba ki nongrep ki hap ban die ia ki mar rep ha surok.
U Symbut myntri rangbah u la kyrpad ia ki paidbah ban iai shah khyndait bad ka sorkar, namar ka sorkar kan wanrah biang ia ka shong suk shongsain dei na kane ka daw ba u myntri kam poh iing u khot ia ka jingialang lai saw sien ha ka shi sngi bad mynnin ka sngi u la khot ia ka jingialang ki paidbah ban wan rah ia ka shnong suk shongsain.
