Ka sorkar ka wanrah bun ki jaid skhim na ka bynta ban kyntiew ia ka ioh ka kot:Banteidor

Shillong, Nohprah 07:  Ka tnad ri mrad jong ka sorkar jylla ba dei peit ia ka East Khasi Hills District mynta ka sngi kala pynlong  ia ka jinghikai ia ki paidbah kumno ban ri jingri ha madan kynjatbol ha Mawbynna, Kharang kaba hap hapoh jong ka Mawkynrew C&RD Block.

U Bah Banteidor myntri ba dei peit ia ka rep ka riang jong ka sorkar jylla, haba kren ha kane ka sngi kum u kongsan u la ong ba ka sorkar ka ialehb an wanrah ia bun jaid ki skhim na ka bynta ban kyntiew ia ka ioh ka kot jong ki paidbah sha ki thain nongkyndong bad ka kam ri jingri kadei kawei na kita.

Ha kane ka sngi na ka liang jong u myntri ka sorkar jylla u ba dei ruh u MLA jong kane ka jaka u la sam ia ki khusnam sha ki nongrep kane ka thain kiba la trei ha ka kam ri syiar, ri syniang, ri blang bad Ri masi. Ha kane ka sngi  u Block Development Officer, Mawkynrew C&RD Block, u bah  L. T. Tariang bad  District AH & Veterinary Officer, Dr (Mrs) A. Laloo ruh kila ia don lang.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet