Shillong, Lber 06: Ka Myntri ba dei peit ia ka rep ka riang ka Dr. M. Ampareen Lyngdoh haba jubab ia ka jingkylli kaba la wan rah da u bah Lahkmen Rymbui haba ia dei bad u Synsar, la ong ba ka jylla la ong ba ka jingpynmih ha u snem 2022-2023 ka long 66,831 MT, 2023-2024 ka long 75,680 MT katba ia u snem 2024-2025 dang wat jingkhien.
Ka dor jong u synsar ha u snem 2022-2023 ka long T.12,188/- tyngka shikwintal, ha u snem 2023-2024 ka dor kala hiar sha ka T.8,400/- tyngka shikwintal bad mynta u snem 2024-2025 ka dor ka long tang T.4,685/- tyngka shikwintal.
Haba jubab ia ki jingkylli bynrap ka mynta ka la ong ba ka sorkar kala buh ka pisa T.100/- klur tyngka ban thied ia u synsar ban iarap ia ki nongrep lada ka hiar ka ka dor sha ba palat, ia u synsar la theid na ki nongrep na kylleng ki jaka lyngba ki briew kiba la ithuh ia ki.
Haba iarap ban jubab ha kane ka jingkylli u myntri rangbah ka jylla u Conrad K Sangma la ong ba ka sorkar ka thied na ki nongrep bad ia u synsar bala thied la buh bad die haba la kiew ka dor bad la pynkylla ruh ia ki sha u synsar pat iing da kaba thain bad ka sorkar ka ai mashin ia ki briew bad kila don kawei ha Wahiajer bad kawei ha Mawkynrew.
