Shillong, Risaw 26: Mynta ka sngi u myntri rangbah ka jylla u Conrad K Sangma ryngkat u myntri ba dei peit ia ki kam ialehkai u bah Banteidor Lyngdoh kila pynkupburom ia ki nngialehkai kiba la wan phai da kaba wan rah burom ia ka jylla da kaba ioh takma Ksiar ha ka jingiakop khun kti ha Turkey.
Ia kane ka jingpynkup burom la pynlong da ka tnad ialehkai ka jylla ban ai burom ia ki samla kiba la ia shim bynta ha ka XLIII World Armwrestling Championship, XXIV World Para-Arm-wrestling Championship ha Antalya Turkey, PRO AM Universe Championship in Bangkok, Thailand bad ka WFF PRO AM Asia Pacific ha Ho Chi Minh City, Vietnam.
U Myntri rangbah u la ai khublei ia ki nongjop bad ia kiba la leit ban ia shim bynta bad kiba la wanrah burom ia ka jylla da kaba ioh ia ki takma kisar bad kiwei kiwei ki takma ia ka jylla, kum ka jingai burom ia ki rang bad ki thei ialehkai la ong ban wanrah ia ka jingjop kam dei kaba pynkhreh tang shimiet dei ka jingtrei shitom ba bun bun snem ban poi sha ka jingjop.
Ka sorkar kala ialeh ban wanrah ia ka rukom trei kam na ka bynta ban kyntiew ia ki kam ialehkai ha kane ka jylla la ka long ha ka jylla, ha ka Ri ne ha ka pyrthei ruh kum juh, ban leh ia kane ka long kaba shimpor bad kane kam jia tang namar ba ki kwah hynrei ban pynurlong don kam iaki polisi treikam.
Ka sorkar kala wanrah ia ka polsi ha ki kam ialeh kai bad ka polisi na ka bynta ki samla, la ong ba ka sorkar kala mang pisa T.500 klur ban shna ia ki jaka ialehkai ha ka jylla ban pynbiang ia ki kam ialehkai ha baroh ki District, ha ki Civil Sub Division bad haduh ki Blok ha kylleng ka jylla baroh kawei.
U myntri rangbah la ong ba lah ban don ia ki polisi hynrei kan long kaba eh lada kim don ki jaka ialehkai ba ki rang bad ki thei ialehkai kim don jaka ban kilam met, ban pynshlur shuh shuh ia ki samla ha ki kam ialehkai ka sorkar kala pynkiew ia ka jingai khusnam ia ki nongjop ha ki jingialehkai.
