Ka sorkar kala pynbna ia ki jaka ba ia khap bad ki BSF ha Shillong kum ka “Containment Area”

Shillong, Naitung 01: U Myntri Rangbah ka jylla u la ong ba mynta ka sngi la test COVID-19 sa ar ngut ki shipai BSF, da ka jingtest positive ia kine ki ar ngut ka jingdon kiba shitom ki long haduh 12 ngut ha ka jylla, baroh kiba la ioh ia kane ka jingpang ki long 55 ngut, 42 ngut ki la jem bad i wei la khlad.

U Myntri ba dei peit ia ka tnad ka koit ka khiah u la iathuh ba ia kito ki jaka ba mar jan bad ki shipai BSF ha Shillong la pynbna kum ki “Containment Area” namar u wei na ki shipai BSF u sah wai ha jan hangto bad kumba ka long haduh mynta 5 ngut ki shipai BSF kila ioh ia kane ka jingpang.

La iathuh ba kine ki ar ngut kiba ioh ia kane ka jingpang COVID-19 ki dei kito ki briew kiba ia jan bad u to u wei u shipai. Na ka liang jong ka sorkar kala dep leh ia ka jingwad bniah ia kito kiba ia jan bad kito ki briew.

Na ka liang jong ka tnad ka koit ka khiah kala dep ban pynlong ia ka jingialang u DIG BSF ha kaba kila ia kren sani ban peit ba kane kan nym pur sha ki paidbah bad na ka liang jong ki BSF ruh kila shim khia bha ia kane ba kan nym don ka jingsaphriang kane ka jingpang.