Shillong, Lber 30: U Symbut mytnri rangbah ka jylla u Bah Prestone Tynsong u la iathuh ba ka sorkar mynta kala hap ban tuklar ha kaba ia dei bad ka jingiadie ia thied ia ki marbam ha ki iew ki hat ban pynthikna ba ki marbam kin poi sha baroh ki shnong.
Haba kren ha ki lat pathia khubor mynta ka sngi u la ong ba la bthah ia ki DC ba kin ia kren bad ki nong khaii ha ki District jong ki ba kin leit ban kit hi ia ki marbam la dei ne Guwahati lane na Khanapara bad ban pynpoi sha ki iew ki hat lyngba ki nongkhaii ban die sha ki paidbah.
Kumba ka long baroh shi katta ka sorkar kam lah ban tuklar ia ki marbam kiba ia dei ha iew ha hat, hynrei ha kane ka kynti kaba mynta kam ban se ban tuklar namar ka iohi ba ki paidbah sha ki nongkyndong kin sa jynjar la da ka sorkar kam tuklar bad teh lakam ia kane ka jingiadei ia thied ha iew ha hat.
U Bah Prestone u la iathuh ba ka sorkar kala shim ia kane ka sien jam namar ba baroh kin ia wan kit na Shillong ka long kaba eh, ban pynpoi sha ki District ia ki marbam ka sorkar kala bthah ia ki DC ba kin leh ia kaba don kam ban peit ba ki paidbah kin nym ia kynduh jingeh.
La ban ba haduh mynta ka sngi ka marbam ki dang biang bad la bthah ia ki DC banpeit ba kam dei ban don ka jingdie palat pud ia ki tiar ka dei ban long katkum ka dor kaba la buh. Ka sorkar kala shim ia baroh ki lat ki lynti ban pynthikna ba ki paidbah kim dei ban jynjar.
La aithuh na ka liang jong u myntri rangbah ka jylla Meghalaya u Conrad K Sangma u la iakren bad u myntri rangbah ka jylla Assam ban peit ba ki kali kiba na Meghalaya ba leit ban kit bam na Assam kim dei ban shah pynthud bad na ka liang jongu Chief Secretary ka jylla ruh kum juh.
